Tag Archives: comunicaos

PP, C’s y PSOE proponen la creación d’una subcomisión nel Congresu de los Diputaos p’algamar un Pactu Educativu Los grupos políticos Popular, Ciudadanos y Socialista rexistraron nel Congresu de los Diputaos una propuesta de creación d’una subcomisión, nel senu de la Comisión d’Educación, “pa la ellaboración d’un gran Pactu d’Estáu Social y Políticu pola Educación” que valga “de base pa …

El Gobiernu del Partíu Popular, a pesar d’atopase en minoría parlamentaria, desoi al Congresu de los Diputaos y vuelve demostrar que la so voluntá de diálogu ye falsa. L’anunciu del Conseyu de Ministros pasáu, de que l’Executivu pide a les Cortes revocar l’alcuerdu de tola oposición qu’aprobó la Proposición de Llei de paralización del calendariu LOMCE, vuelvi ser otru descaráu …

Nin siquiera nel momentu de mayor debilidá política y parlamentaria, crisis interna y desapegadura de les sos bases, el PSOE ye capaz de cumplir cola so promesa de lluchar pola derogación de la LOMCE, una demanda compartida por asociaciones de madres y padres, profesoráu, sindicatos, estudiantes y comunidá educativa polo xeneral. Arriendes de ser una promesa de tolos partíos políticos …

SUATEA GANA CONTENCIOSU  RECLAMANDO  A LA CONSEYERÍA D’EDUCACIÓN LOS IMPAGOS  POR ITINERANCIA DE TOL CURSU 2015-16 El xulgáu de lo contencioso-alministrativo númberu 4 d’Uviéu, en sentencia 00226/2016, de 7 de payares de 2016,  reconoz a dos itinerantes representaos polos servicios xurídicos de SUATEA, el derechu a cobrar tolo que la Conseyería d’Educación-yos quitó nel cursu 2015-2016, consecuencia de la intrepretación …

El llunes 7 payares de 2016 cúmplese un añu de la Marcha contra les violencies machistes. Esta marcha constitúi un finxu na hestoria del movimientu feminista. Esi día, miles de muyeres de tolos territorios del Estáu confluyeron nun berru común contra les violencies machistes y esi berru fíxose estensivu a tol mundu recibiendo sofitos de los 5 continentes. El movimientu …

Ante la campaña de boicó a los deberes los fines de selmana del próximu mes de payares, impulsada pola Confederación Española d’Asociaciones de Padres y Madres del Alumnáu (CEAPA), dende SUATEA, entá entendiendo la esmolición de les families sobre esti asuntu, manifestamos: El nuesu refugu a esa campaña que cuestiona la profesionalidá del profesoráu y que puede llevar a conflictos …

Si’l papel de la muyer nun ye fácil en nengún ámbitu, ye ensin dulda nel mundu rural onde’l so esfuerzu puede ser mayor. Nesti Día Internacional de les Muyeres Rurales, la Secretaría de la Muyer de SUATEA quier reconocer el so trabayu y faer visible lo muncho que queda por faer en favor de la igualdá. Les poques meyores que …

11 D’OCHOBRE: DIA INTERNACIONAL DE LES NEÑES El 11 d’ochobre ye’l Día Internacional de les neñes. La creación d’un día pa elles nel calendariu universal foi promovida, dende 2009, pola ONG Plan Internacional, al traviés de la so campaña internacional “Por ser neña”. El 19 d’avientu de 2011, el Día Internacional de les neñes foi propuestu, por Canadá, como resolvimientu …

“Valoremos a les  y los docentes, ameyoremos la so situación profesional”  Nesti 2016  conmemórase’l 50º aniversariu de l’aprobación, en 1966, del Encamientu conxuntu de la OIT y l’UNESCO relativu a la situación del personal docente y que dio orixe al  Día Mundial de les y los Docentes. El lema d’anguaño, “Valoremos al docente, ameyoremos la so situación profesional”, recueye los …

CAMBEOS NEL CALENDARIU ESCOLAR: SIGUE LA CADENA D’ERRORES DE L’ALMINISTRACIÓN El día d’ayeri vuelve sorprendenos l’Alministración educativa asturiana con otra subsanación d’errores. Nesti casu afecta al calendariu escolar nel que quiten  la denominación de non lectivu al 20 de marzu. A puntu d’empezar el mes d’ochobre, los cambeos de calendariu son un elementu más qu’aburuya la organización del centru y …

Cuando’l gobiernu del Principáu aprobó la Llei 9/2009, de 29 d’avientu, d’Evaluación de la Función Docente y los sos Incentivos, SUATEA, xunto con otros sindicatos, opunxímonos frontalmente a la mesma por distintes razones. Per una parte, el sofitu de dos sindicatos a la Llei suponía la rotura de la unidá sindical hasta entós esistente esixendo la “homologación salarial” cola media …

Güei 28 de setiembre, Día d’Acción Global pola Despenalización del Albuertu, siguimos reivindicando un Albuertu llibre, seguru y gratuitu pa toles muyeres. Siguen produciéndose  una montonera muertes de muyeres, derivaes d’un albuertu inseguru y clandestín. Son munchos los países onde se sigue penalizando l’albuertu, acutando’l derechu al control de la maternidá, o esaniciando dafechu l’accesu a un  serviciu sanitariu seguru, …

Güei, 23 de setiembre, Día Internacional Contra la Esplotación Sexual, recordamos que más de cuatro millones de muyeres y menores son traficaes y destinaes al mercáu del sexu cada añu. Esta esclavitú esiste porque hai demanda de prostitución. Faemos un llamamientu a los homes “consumidores” de prostitución, responsables directos de la situación d’estes víctimes.

La Unión Europea declara illegal encadenar contratos temporales p’atender necesidaes permanentes. SUATEA va entamar una campaña a nivel estatal y asturianu p’acabar cola situación d’inestabilidá ente’l profesoráu. Ésti ye’l veredictu que, en sentencia emitida’l 14 de setiembre pol Tribunal de Xusticia de la Unión Europea depués d’una denuncia interpuesta por una funcionaria interina del serviciu de salú de la Comunidá …

L’entamu del cursu presente, precedíu por toles incidencies derivaes de la convocatoria de les oposiciones, anicia trayendo de rastru los problemes y les comenencies de los cursos anteriores. Los retayos que s’aplicaron, aparte de nun revertilos, tán valiendo p’aplicar enriba d’ellos más axustes en cuestiones como la disminución de la natalidá, ensin mirar otres alternativas posibles. Polo que diz a …

N’Educación fai falta competencia y eficacia que resuelvan problemes Nun recordamos n’Asturies entamos de cursu exentos d’incidencies y ésti empieza como los anteriores, con graves defectos qu’en dalgún casu son repitíes añu tres d’añu  y pa les que nun paez haber capacidá o voluntá de solucionar. Que nos centros falta profesoráu ye daqué que nun se puede despintar, los claustros …

Un añu más y por non variar nes sos costumes, la Conseyería d’Educación encara un nuevu entamu de cursu polémicu en tolo rellacionao cola axudicación del profesoráu. Magar les repitíes solicitúes de xuntes nes que les organizaciones sindicales pudiéramos treslladar a l’Alministración tolos desaxustes y problemes derivaos de les oposiciones y de la publicación de llistes y axudicación de profesoráu …

Dende qu’entamó’l procesu d’oposiciones nel que ta enllamargada la Conseyería d’Educación, tán amontonándose una riestra d’incidencies graves con consecuencies mui dures pal profesoráu interín afectáu. Por delles causes, cuando por errores nel pagu de les tases, cuando polos accidentes qu’atasquen l’autopista, por averíes nos medios de tresporte públicos como los ocurríos en RENFE o anulaciones de vuelos dende otres CCAA, …

Vicente Álvarez Areces en Canal10 Xixón:“… Asturias no modificó y mantuvo las ratios y cuando en un Sistema Educativo…¿no se habla de eficiencia en la gestión pública? Si tú no tienes demanda de niños en un nivel voluntario, porque no es escolarización obligatoria, el 0-3 y 3-6 es voluntario y si no hay niños que demanden ¿qué quieres terner aulas …

Escluyíos de la oposición y Alcuerdu d’interinidá: la combinación que dexa a docentes na cai Empezaron les oposiciones y échense cuentes de les tases de participación de les persones que taben llamaes al procesu. Nun se van contabilizar ende aquellos que fueron declaraos escluyíos por erros puramente alministrativos que nun-yos dexaron iguar. Dalgún apaeció como almitíu na llista provisional, otros …

Tamos nun momento de balances, tamién nel ámbitu educativu. Nun ye cuestión determinada poles elecciones, anque les últimes declaraciones del Conseyeru d’Educación sí que paecen d’encargu, ye cuestión de valorar nesti momentu d’exámenes y reválides el resultáu del cursu no tocante a la política educativa. Estrenábamos el branu pasáu un nuevu responsable qu’intervieno na Xunta Xeneral asoleyando un programa de …

Como sabéis, dende SUATEA convoquemos a lo llargo esti cursu movilizaciones de profesoráu interín coles mires d’echar embaxo l’Alcuerdu que regula’l sistema d’ellaboración y xestión de llistes d’interinidá, robláu por FETE-UXT y ANPE en 2014. SUATEA nun soscribió l’Alcuerdu porque teníamos el convencimientu de que diba xenerar inestabilidá, inseguridá y perda de derechos del profesoráu interín asturiano. Y, bien al …

La Conseyería d’Educación, al traviés de los medios de comunicación y en conceyu colos sindicatos firmantes del Alcuerdu Sobre les Condiciones de Trabayu del Profesoráu Itinerante (en vigor dende 2001), denunció esti alcuerdu hai unos díes. Ello trai como consecuencia que pal cursu que vien tendrá que negociase con toles centrales sindicales un Alcuerdu nuevu, anque  hasta qu’acabe esti cursu …

El Día Internacional de les Muyeres pola Paz y el Desarme instauróse’l 24 de mayu de 1982 por grupos pacifistes de muyeres europees, faciendo alcordanza de les campañes feches poles britániques que se punxeron contra la OTAN y la instalación de bases militares. Güei, esta conmemoración val pa que’l mundo s’alcuerde de la violencia que sufren les muyeres nos conflictos …

Mientres los Conseyeros d’Educación del PSOE anuncien que nun van facer la reválida, el Conseyeru asturianu anecia con celebrala’l 15 de xunu. El vienres 13 de mayu enantes de la Conferencia Sectorial d’Educación los Conseyeros d’Educación de las Comunidaes gobernaes pol PSOE decidieron amosar que taben mal agusto cola actitú del Ministru Méndez de Vigo respecto a les reválides LOMCE …

Tamos yá nel últimu trimestre del cursu y el profesoráu itinerante d’Asturies entá nun cobró lo que se-y debe dende setiembre. La Conseyería negóse de mano a cumplir l’acuerdu d’itinerancies  soscritu con delles orgnaizaciones sindicales y revocó a la baxa les solicitúes d’indemnización presentaes pol profesoráu colos criterios vixentes nel alcuerdu y tal como se venía faciendo dende hai quince …

SUATEA CONVOCA CONCENTRACIÓN  ÉNTE LA XUNTA XENERAL PA ESIXIR UN NUEVU ALCUERDU D’INTERINOS, EL CESE DE LOS RETAYOS Y LA TRESPARENCIA NES OPOSICIONES EL MARTES  19 VA AXUNTASE LA COMISIÓN D’EDUCACIÓN ONDE SE VAN TRATAR LOS CONFLICTOS EDUCATIVOS Dende va meses viniéronse convocando movilizaciones en forma d’asamblees nos centros, concentraciones y manifestaciones na cai o entevistes colos grupos parlamentarios que …

El vienres 8 de abril de 2016, SUATEA convocó al profesoráu interín a una asamblea ne IES Alfonso II y a una posterior concentración a la puerta de la Xunta Xeneral del Principaáu. Estos actos convocáronse como continuación de las movilizaciones que ta faciendo’l colectivu pa que se reabra la negociación d’un nuevu Acuerdu de xestión y funcionamientu de les …

L’arca del dineru publico, maltratada y afuracada colos sobrecostes d’El Muselón, la Regasificadora, el Casu Marea, el Casu Villa… hai que la recebar arrañando perres d’onde se puea. El Gobiernu asturianu, al traviés de la Conseyería d’Educación, va faciendo caxa coles pingarates que paña de les dietes del profesoráu itinerante que lleva ensin cobrar dende qu’entamó’l cursu, de los pieslles …

EL PARLAMENTU ASTURIANU APRUEBA UNA PROPOSICIÓN NON DE LLEI QU’ESIXE LA NEGOCIACIÓN D’UN NUEVU ALCUERDU DE PROFESORÁU INTERÍN ASTURIANU: UNA OPORTUNIDÁ PA GARANTIZAR LA SO ESTABILIDÁ Y ACABAR COLA DISCRIMINACIÓN Esti vienres 19 de febreru de 2016, el Plenu de la Xunta Xeneral del Principáu aprobó una Proposición non de Llei (PNL), a propuesta de PODEMOS y col sofitu de …

TERMINA LA MESA TÉCNICA DE NEGOCIACIÓN DE LES PLANTIYES DOCENTES ENSIN LLOGRAR CONSIGUIR NENGUNA DE LES RECLAMACIONES DE LOS CENTROS Dende SUATEA planteguemos la necesidá de poner en marcha un plan de choque que dexara recuperar les plantiyes de los centros docentes anteriores a los retayos y d’empecipiar un procesu de meyora de les condiciones de trabayu de los y …

El sindicatu mayoritariu na enseñanza docente non universitaria n’Asturies, SUATEA, quier salir al pasu de les declaraciones que’l Conseyeru d’Educación, Genaro Alonso, vieno faciendo públiques nos medios de comunicación alredor de la vieya demanda de la creación de la Especialidá Docente de Llingua Asturiana. Nesti sen, SUATEA quier recordar a la comunidá educativa: –Que la creación de la especialidá docente …

Dende’l Claustru de Profesores del C.P.Aniceto Sela de Mieres, faen públicu esti comunicáu en nome de tola Comunidá Educativa del centru:                   Desde hace varios cursos, y bajo directrices nada inocentes de optimización de recursos o racionalización, se vienen aplicando en este centro recortes de unidades y plantilla de profesorado. Lenguaje demasiado …

SUATEA ESIXE AL GOBIERNU ASTURIANU MIDÍES CONCRETES COMO L’AMENORGAMIENTU HORARIU P’AMEYORAR L’ATENCIÓN EDUCATIVA ASINA LO TÁN FACIENDO GOBIERNOS COMO’L CÁNTABRU O‘L BALEAR   El Conseyeru d’Educación de Cantabria acaba d’anunciar l’amenorgamientu del horariu lectivu pal profesoráu. Concretamente plantégase un amenorgamientu p’anguaño de 19 hores lectives y de 18 pal añu próximu nel casu del profesoráu de secundaria y enseñances de …

SUATEA ESIXE AL CONSEYERU D’EDUCACIÓN ESPLICACIÓN SOBRE LES CONSECUENCIES DE LA PRÓRROGA PRESUPUESTARIA NA UFIERTA D’EMPLÉU PÚBLICU DOCENTE Énte la noticia de la prórroga presupuestaria del gobiernu del Principáu d’Asturies pa 2016, dende SUATEA esiximos esplicaciones inmediates del Conseyeru d’Educación al respective de les repercusiones qu’esta situación va tener nel ámbitu educativu. El Conseyeru comprometióse cola Xunta de Personal Docente …