Qué ye SUATEA

SUATEA: UN MODELU SINDICAL DISTINTU

• Asturianu
  Porque reconocemos la realidá histórica y política d’Asturies y trabayamos por una Escuela Pública Asturiana definida sobre les nuestres característiques culturales y llingüístiques.
• Asambleariu
  Porque articulamos la nuestra aición sindical al rodiu conceyos abiertos, colos que reforzamos la unidá de los y les trabayadores, aldericando los temes, tomando decisiones, practicando un sindicalismu vivu y allegáu al profesoráu.
• Autónomu
  Porque solo dende esta autonomía podemos desarrollar de forma dafechu independiente la nuestra actividá sindical, ensin más lóxica que la que marca’l mesmu profesoráu.
• De Clas
  Porque sentímonos trabayadores de la enseñanza y les nuestres reivindicaciones nun queden una cenciella defensa gremial de la profesión y participamos colos otros/es trabayadores activamente na conquista d’una sociedá más xusta y solidaria, non sexista, pola conservación del mediu y pola paz.
• Unitariu
  Porque somos un movimientu d’enseñantes qu’aspira a configurar una alternativa unitaria na enseñanza, dende plantegamientos democráticos y pluralistes, y que pon especial interés en llograr puntos d’unidá d’aición con otros sindicatos de clas y organizaciones progresistes.
• Confederal
  Porque asumimos la realidá de los diferentes pueblos del Estáu de forma solidaria.