Comunicaos

LA NUESTRA SALÚ NUN YE SECUNDARIA: POL FIN DEL SESGU ANDROCÉNTRICU Y LA VIOLENCIA OBSTÉTRICA Dende la Organización de Muyeres de la Confederación Intersindical, organización feminista, alzamos la nuestra voz esti 28 de mayu para denunciar una realidá silenciosa pero devastadora: el sistema sanitariu sigue ignorando, invisibilizando y maltratando la salú de más de la metá de la población. La …

Los díes 18 y 19 celebróse en Xixón el XXVI Alcuentru de Conseyos Escolares Autonómicos y del Estáu. Nel marcu d’esti alcuentru, representantes del SUATEA caltuvimos un conceyu cola presidenta del Conseyu Escolar del Estáu, Encarna Cuenca Carrión, pa tratar de la necesidá de la creación de les especialidaes docentes d’asturianu y gallego-asturiano. La creación d’estes especialidaes ye una reivindicación …

SUATEA quier facer público que l’alumnáu solicitante del Colexu Públicu de Veguín va quedar el próximu cursu ensin serviciu d’almuerzu porque, a pesar de cumplir les families los requisitos establecíos nes bases reguladores, nun sumen la cantidá mínima de 12 estudiantes solicitantes. Esti númberu ye’l qu’alega’l mesmu consistoriu pa refugar la concesión de l’ayuda, atendiendo a lo establecío na so …

Dende’l Sindicatu Unitariu y Autónomu de Trabayadores de la Enseñanza d’Asturies (SUATEA) insistimos en dos de les nuestres reivindicaciones históriques: la oficialidá y la reconocencia de la especialidá docente como ferramienta fundamental pa la recuperación y normalización de les llingües propies d’Asturies. Nesti contestu, solicitemos esta mañana una xunta cola Secretaría d’Estáu d’Educación pa tratar de manera específica la reconocencia …

La dexadez institucional que vien sufriendo l’emblemáticu colexu del centru de Xixón choca col aumentu del 3,5% de financiamientu pa la concertada nos presupuestos d’anguaño. SUATEA denuncia que la obra nel CP Rei Pelayo de Xixón ta teniendo un impactu directu na perda de matrícula del centru. Como datu especialmente significativu, pal cursu que vien namás hai una solicitú de …

SUATEA denuncia que, mientres aumenta añu tres añu’l dineru pa la enseñanza concertada, los centros públicos siguen abandonaos. Esti añu la partida aumentó 3,8 millones d’euros y nos últimos cinco años la subida ye del 20%. Dende SUATEA tuvimos acompañando na mañana d’esti martes 28 d’abril al Serviciu de Prevención de Riesgos Llaborales del Principáu d’Asturies na so visita al …

La visibilidá lésbica sigue siendo una asignatura pendiente nuna sociedá que presume de derechos mientres caltién intactes munches de les estructures que nos callen. Y si esto rescampla nel ámbitu social, entá lo fai más nel mundu del trabayu. Dende una perspectiva sindicalista, la invisibilidá de les lesbianes nun ye casual: ye funcional. El sistema productivu caltiénse sobro desigualdaes estructurales …

Cada cuartu xueves d’abril conmemórase’l Día Internacional de les Neñes nes Tecnoloxíes de la Información y la Comunicación, una fecha que tresciende lo simbólico p’asitiar nel centru un retu clave del nuesu tiempu: garantizar que les neñes non solo accedan a la ámbitu dixital, sinón que participen activamente na so construcción. Nun contestu global marcáu por una aceleración tecnolóxica ensin …

Esta mañana pudimos confirmar al traviés de la prensa lo que yá nos llegara en forma d’esmolición de delles families del centru: la escuela pública Villafría de Otero d’Uviéu va celebrar güei miércoles una procesión. Asina anúnciase qu’a media mañana, en plena xornada escolar, “sesenta neños” que cursen la materia de Relixón Católica van portar “vistíos de nazarenos y con …

L’Estáu Mayor del Exércitu español dispón un total de 13.500 € en premios a centros educativos que participen nel concursu “Premios Ejército” del añu 2026, na disciplina “Enseñanza escolar”, como podéis consultar na publicación d’Educastur que lo difunde. D’esta forma, inviten al alumnáu de tol estáu a realizar trabayos en forma de testos, vídeos, dibuxos, maquetes… qu’afonden na “historia del …

Día Internacional de la Muyer Rural: “Recuperemos la visibilidá de les nuestres muyeres rurales” Compartimos el comunicáu de la Organización de Mujeres de la Confederación Intersindical pal Día Internacional de la Muyer Rural. Aprovechamos, tamién, pa felicitar a Carolina Castro, creadora de TuriTaxi Cuideiru y ganadora del premiu Mujer Rural 2025. El Día Internacional de les Muyeres Rurales ye una …

Comunicáu de la Organización de Muyeres de la Confederación de STEs El 11 d’ochobre, Día Internacional de la Neña, recuérdanos la necesidá urxente de siguir lluchando pola igualdá real nun mundu nel que millones de neñes ven quebrantaos los sos derechos fundamentales. Nesti 2025, esta fecha apéllanos de forma entá más doliosa pola traxedia que tán viviendo les neñes palestines, …

Dende’l Sindicatu Unitariu Autónomu de Trabayadores de la Enseñanza d’Asturies (SUATEA) queremos amosar el nuestru rotundu refugu a la celebración d’actos d’índole militar nos centros educativos, tres facese públicu que’l próximu vienres 10 d’ochobre la Escuela Pública San Lázaro–Escueles Blanques d’Uviéu tien previsto un izáu de bandera onde va participar l’alumnáu d’Infantil y Primaria. Consideramos que l’organización d’esti tipu d’eventos …

El día 5 d’ochobre celébrase’l Día Mundial del y la Docente y esti añu queremos visibilizar la importancia que tien esti llabor – un oficiu feminizáu, sobremanera nes primeres etapes de la enseñanza – pa la sociedá y la infancia. Según datos del últimu Informe del Conseyu Escolar del Estáu, nel cursu 2022-2023 la presencia relativa de muyeres nel profesoráu …

Los diferentes Sindicatos de Trabayadores de la Enseñanza (STEs) sofitamos la movilización convocada pol Sindicatu d’Estudiantes a nivel estatal pa esti xueves 2 d’ochobre que tien como exe central: Paremos el xenocidiu contra’l pueblu palestín. Paeznos importante esta convocatoria porque asume’l retu de movilizar a una mocedá acusao de tar despolitizao apoyar los postulaos de la estrema derecha. Los STEs tenemos …

¡NOSOTRES DECIDIMOS! Más de 39000 muyeres muerren añalmente nel mundu  por causa d’albuertos clandestinos y cientos de miles sufren consecuencies pa tola vida según la Organización Mundial de la Salú. Amnistía Internacional y otros organismos especializaos constataron que, independientemente de cual sía’l marcu llegal del so país de residencia, les muyeres recurrimos al albuertu en proporciones similares y que la …

El Sindicatu Unitariu Autónomu de Trabayadores de la Enseñanza d’Asturies (SUATEA) denuncia la decisión d’espulsar al alumnáu de la Escuela Superior d’Arte del Principáu d’Asturies, que dende va décades desenvuelve’l so llabor educativu nel Palaciu de Camposagrado, para dexar esti edificiu públicu y patrimonial a la Universidá privada Nebrija. Trátase d’un ataque directu a la educación pública y al so …

La Organización de Muyeres de la Confederación Intersindical, con motivu del Día Internacional escontra la Esplotación Sexual y el Tráficu de Muyeres, Neñes y Neños, alza la voz con firmeza y enfotu: ¡nun hai igualdá mientres se merque’l cuerpu de muyeres y neñes, nun hai llibertá mientres esista trata! El 23 de setiembre nun ye una efeméride más. Ye una …

Dende SUATEA queremos amosar la nuestra fonda preocupación énte l’entamu d’un nuevu cursu escolar nel que, una vuelta más, repítense vieyes problemátiques qu’afeuten tanto a la calidá educativa como a les condiciones llaborales del profesoráu. Ún de los aspeutos más graves ye l’abusu continuáu de la interinidá. El sistema educativu asturianu sigue apoyándose de manera desproporcionada nel personal interín, que …

Güei, un representante de SUATEA participó nel actu de firma del Pactu Asturies Educa, nome col que l’Alministración bautizó l’acuerdu de desconvocatoria de fuelga tres el conflictu entamáu el pasáu mes de mayu. La nuesa valoración inicial ye de moderada satisfación. Per una parte, valoramos mui positivamente la primer apuesta real pola inclusión d’esti Gobiernu, al traviés d’una inversión presupuestaria …

Compañeres, compañeros: Como sabéis, nun se puedo llegar a un alcuerdu cola Alministración ayeri. Poro, faise más necesarionecesario que nunca siguir cola fuerza de les movilizaciones pa llograr les razonables reivindicaciones que tamos plantegando.  Queremos tresmitivos, lo primero de too, qu’ayeri hubo avances pero fueron insuficientes. Prestaríanos que s’entendiera bien la parte salarial de la reivindicación. Ta metiéndose mucha intoxicación …

Ayeri pela mañana, 13 de mayu de 2025, axuntaron les organizaciones CCOO, SUATEA, UGT y CSIF. ANPE, anque tamién taba convocada, nun asistió a la xunta. Les cuatro organizaciones consensuaron una propuesta pa movilizase unitariamente que consistía en dos xornaes de fuelga pal profesoráu que pon escuela nes etapes d’Infantil y Primaria, los díes 27 de mayu y 5 de …

Decidimos convocar fuelga en Infantil y Primaria y llamamos a la unidá sindical énte la imposición de la Conseyería El Sindicatu Unitariu Autónomu de Trabayadores de la Enseñanza d’Asturies (SUATEA) comunica que, na xunta celebrada esta tarde y abierta a tola afiliación, decidió convocar fuelga en respuesta a la decisión unilateral adoptada pola Conseyería d’Educación de modificar les condiciones llaborales …

Uviéu, 25 d’abril de 2025 – El sindicatu SUATEA quier denunciar públicamente la grave situación que se ta viviendo en dellos centros educativos d’Asturies por culpa de la falta de cobertura de baxes docentes en delles especialidaes. Dende va selmanes, nun se tán cubriendo toles sustituciones con profesoráu interino inscrito nes llistes y bolses correspondientes, lo qu’afecta a asignatures clave …

Les últimes xubes salariales, algunes d’elles entá sin aplicar, son totalmente insuficientes, y siguen ensin recuperase les pagues extres íntegres. Hai qu’iguar la perda de poder adquisitivu del profesoráu, con un alcuerdu salarial que corrixa estos defectos y amieste’ll sueldu al IPC a futuru, primero de reformar la profesión docente. La perda de poder adquisitivu ye unu más de los …

Crez la molición de cara a les dos futures obres estrella: el IES nuevu de La Corredoria y el futuru CEE d’El Monte Cerráu Esta mañana, un representante del SUATEA visitó’l IES La Florida (Uviéu) acompañando al Serviciu de Prevención de Riesgos Llaborales del Principáu d’Asturies, coles mires d’evaluar l’estáu del mesmu. Como conclusiones más significatives, de primeres, tuvimos ocasión …

El 30 de marzu conmemorase’’l Día Internacional de les Trabayadores del Llar, establecíu pola ONU en 1988 pa visibilizar la discriminación y precariedá llaboral qu’enfrenta esti sector, mayoritariamente compuestu por muyeres, munches d’elles migrantes. Estes trabayadores sufren una triple discriminación: por xéneru, pol so orixe migrante y pola so situación de probeza. N’España, hai unes 550.000 trabayadores del llar, d’elles …

Nun respuende a les necesidaes reales del profesoráu, permite que la concertada siga medrando, y amás mengua’l númberu de places d’Atención a la Diversidá en centros d’Infantil y Primaria. Esta mañana, les organizaciones sindicales con representación na Mesa Sectorial d’Enseñanza Non Universitaria caltuvimos la postrera xunta cola Dirección Xeneral de Personal Docente y la Dirección Xeneral de Función Pública pa …

Dende SUATEA queremos manifestar nuesa más seria esmolición pol erru cometíu nel procesu d’axudicación de places al colectivu K (Personal escoyíu nun procedimientu selectivu qu’entá nun foi nomáu funcionariu de carrera) nel concursu de tresllaos d’anguaño. Magar nun tenemos dulda de que l’erru cometíu podría tener dalguna xustificación, nun podemos de nenguna manera tar acordies con la propuesta de solución …

MANIFIESTU 8M 2025 Ábrese’l telón y empiecen les representaciones teatrales para esti 8M. Protagonistes principales: LES MUYERES. Igualdá salarial Sipnosis: Cualquier persona que realice un llabor igual a otra tien de llograr la mesma remuneración económica independientemente del so xéneru, raza, orientación sexual, nacionalidá, relixón o otres categoríes. L’artículu 9.2 de la Constitución Española refierse a que l’esaniciu de la …

Siguen les negociaciones de la reforma del oficiu docente en Madrid cola constitución de cuatro grupos de trabayu Dicíemos en xineru d’esti añu que la Mesa de Negociación del Personal Docente non Universitario llevaba más d’una década ensin sentase a negociar midíes que supongan el fin de les polítiques de retayos y meyores de les condiciones llaborales del profesoráu. Nestes, …

Tolos 21 de febreru, el planeta celebra’l Día Internacional de la Llingua Materna. Esta fecha declaróla la UNESCO en 1999 col envís de protexer y promover la diversidá cultural y el multillingüismu. La importancia que tienen les llingües maternes débese a que son el primer instrumentu de comunicación y aprendizaxe que tenemos les persones. Amás, per aciu d’elles inxertámosmos nes …

Asturies impón un programa de refuerzu en “lengua” y matemátiques ensin más enseñantes, nin desdobles nin amenorgamientu de ratios El pasáu xueves 6 de febreru, en xunta telemática caltenida col director xeneral David Artime, los equipos directivos de 36 centros de Primaria y 25 de Secundaria fueron informaos de que, por cuenta de los sos baxos resultaos nes pruebes de …

Dende la Organización de Muyeres de la Confederación Intersindical (OM) y SUATEA queremos aprovechar esti 11 de febreru, Día Internacional de la Muyer y la Neña na Ciencia, pa reivindicar el papel fundamental de les muyeres nel desenvolvimientu de la conocencia y l’anovación. Magar de les meyores consiguíes, les muyeres siguimos enfrentándonos a barreres que llinden el nuesu accesu y …

Ayeri la Conseyería d’Educación presentó lo que lllamen “Plan de meyora de les direcciones unipersonales”, pensamos que con esto quieren iguar un problema que’l SUATEA lleva años denunciando: les direcciones que lleva una sola persona tán atacaes de trabayu, y la normativa autonómica namás-yos permite dedicar 5 hores selmanales del so horariu al llabor de dirección, que nos casos de …