Normalización Llingüística

El Tribunal Superior de Justicia de Asturies avala la decisión de la Conseyería d’Educación d’Asturies y, poro, del Gobiernu d’Asturies de nun recoyer rnengún conteníu de Llingua asturiana nin gallego-asturianu nel “Decreto 56/2022, de 5 de agosto, por el que se regula la ordenación y se establece el currículo de la Educación Infantil en el Principado de Asturias (BOPA 12-VIII-2022) …

Un mes depués d’entamar el cursu escolar, los colexos mierenses Aniceto Sela y Santiago Apóstol siguen ensin dotación de profesoráu d’Asturianu p’atender al alumnáu d’Educación Infantil (EI) que demanda recibir estes enseñances. Esta situación ye recurrente pues vien repitiéndose nel tiempu. Hai dos años, a 18/11/2020 yá denunciábemos en comunicáu de prensa que nel colexu Aniceto Sela, depués de más …

La Conseyería Educación anunció estos dies na prensa  la publicación de los proyectos de currículu d’Educación Infantil (EI), Educación Primaria, ESO y Bachilleratu.  El proyectu de currículu d’EI incumple dafechu la nuestra llexislación autonómica.  Nel “preámbulo”,  que formalmente ye onde s’especifiquen los fundamentos de fechu y de derechu, nun hai nenguna mención al artículu 4 del Estatutu d’Autonomía d’Asturies onde …

Nel sistema educativu asturianu cuntamos con 343 profesores d’asturianu y gallego-asturianu (100 aproximao a xornada completa) y la mayoría (75%) contratao a media xornada, cuasi too ello profesoráu interino y nuna bona proporcíón itinerante. Hasta equí la situacón de precariedá nel so trabayu nun se separta muncho de la sufrida pol restu de profesoráu interino, nun siendo que l’índiz de …

El 7 de marzu d’esti añu 2022 volvió publicase nel BOPA una nueva convocatoria de pruebes de certificación adaptaes al Marcu Européu de les Llingües de la competencia llingüística n’asturianu de los niveles B2 y C1. Van celebrase en setiembre. Depués de dos años de pruebes yá son munches les persones  que tienen certificación d’algamar los niveles B2 y C1, …

El Conseyu de ministros ta acabante aprobar el Real Decretu d’ordenación y Enseñances mínimes  de la Educación Infantil. Nelli establezse’l calter educativu de tola etapa (0-6), la gratuidá del segundu ciclu (3-6 años) y la progresión d’esa gratuidá pal primer ciclu de (0-3 años), priorizando l’accesu del alumnáu en riesgu de probitú y esclusión social. A partir de les enseñances …

Ayeri pela tarde, el conceyu ente Foro, IU, Podemos Asturies y PSOE p’ apautar la reforma l’Estatutu autonomía asturianu acabó ensin consensu al calterner Foro la so exigencia de qu’esta reforma tien de llevar xuncida a ella una rebaxa fiscal.   La reforma estatutaria emburriada poles otres trés fuercies polítiques, onde se quier afitar el derechu fundamental a emplegar les nuestres …

SUATEA LLAMA A LA PARTICIPACIÓN MASIVA NA MANIFESTACIÓN POLA OFICIALIDÁ DEL DÍA 16             Namás la oficialidá de les llingües d’Asturies pue garantizar el so usu efectivu en tolos niveles educativos y la dignificación profesional de los docentes de les mesmes.                 El próximu sábadu 16 d’ochobre, a les 12:00 hores, na estación del Norte d’Uviéu y a iniciativa de …

Nel colexu públicu Santiago Apóstol de Mieres, cuasi el 100% del alumnáu de 4 grupos d’Educación Infantil (EI) demandaron recibir enseñances de Llingua Asturiana. La escuela lleva impartiendo estes enseñances na Educación Infantil dende hai una montonera años. Lo mesmo asocede col alumnáu d’Educación Primaria qu’escoyó mayoritariamente esta asignatura. La dirección del centru demandó a la Conseyería Educación, yá al …

Dende la Confederación Intersindical sumémonos a la celebración del Día Européu de les Llingües, coles mires de siguir trabayando na promoción y defensa de les llingües minoritaries y minorizaes de los nuesos territorios. Güei más que nunca tenemos d’atender a la diversidá cultural y llingüística y aprender a vivir nun entornu global cada vegada más plural. Esta celebración, qu’empicipió l’añu …

Celebramos esti añu 2021 la cuarenta y dos edición del Día de les Lletres Asturianes. Otra vez más vien marcáu pol andanciu de la Covid-19 que nun mos va dexar entamar les multitudinaries protestes de reivindicación de la oficialidá na cai. Reivindicación de la mayoría social asturiana que denuncia añu tres añu la falta de normalidá demócrática reclamando un derechu …

Publicóse nel BOPA del pasáu mes de febreru la convocatoria de pruebes de certificación nel Marcu Européu de les Llingües de la competencia llingüística n’asturianu de los niveles B2 y C1 que se van celebrar na seronda d’esti añu 2021. L’añu pasáu yá se realizaron les correspondientes al nivel B2 y son munches les persones qu’anguaño tienen la certificación d’esti …

Nel Conseyu Escolar de Principáu d’Asturies (CEPA) celebráu’l día 18 de marzu de 2021 SUATEA presentó un escritu escritu n’asturianu. La CONCAPA (Confederación Católica Nacional de Padres de Familia y padres de Alumnos) amosó la so disconformidá col unviu del escritu presentáu por SUATEA  por “recibilu esclusivamente nuna llingua que nun ye’l castellán, llingua oficial y vehicular del nuestru país”, …

LOMLOE: ¿Nueves perspectives pa les nuestres llingües?   En SUATEA, dende la nuestra fundación,  valoramos y respetamos la pluralidá llingüística y cultural del Estáu Español.  N’Asturies cuntamos con dos llingües autóctones o propies, l’ asturianu y el gallego-asturianu. Les dos sufren una situación d’anormalidá democrático-constitucional al nun tar reconocíes como oficiales, lo que supón una clara discriminación nel so estatus …

Nel colexu públicu Aniceto Sela de Mieres, 42 alumnos/es de un total 43 de la etapa d’Educación Infantil distribuyíos en 3 grupos demandaron recibir enseñances de Llingua Asturiana. La escuela lleva impartiendo estes enseñances na Educación Infantil dende hai una montonera años. Lo mesmo asocede col alumnáu d’Educación Primaria qu’escoyó mayoritariamente esta asignatura. Esti cursu debío al andanciu la covid-19 …

Nes escueles y los institutos asturianos el profesoráu encargáu del enseñu de les nuestres llingües ye cuasi dafechu interino. Pal entamu d’esti cursu, como vien siendo norma nos caberos años, los contratos son mayoritariamente a media xornada: en Primaria el 80% d’un total de 188 contratos d’Asturianu. Sicasí, na Educación Secundaria los contratos a media xornada mermaron en comparanza con …

Espublízase güei nel BOPA la primera modificación de la resolución pola que se convocó la prueba de certificación del nivel competencial entemediu B2 de llingua asturiana del añu 2020 nel Principáu d’Asturies. EQUÍ

21 de febreru: Día  la Llingua Materna Cada 21 de febreru celebramos el Día Internacional de la Llingua Materna. La idea de celebrar esti día fue una iniciativa de Bangladesh. Aprobóse na Conferencia Xeneral de la UNESCO de 1999 y festéxase en tol mundu dende l’añu 2000. Ye un día especial pa les persones que falamos asturianu o gallego-asturianu, pues …

La Conseyería d’Educación convoca la prueba de certificación del nivel competencial Entemediu B2 de llingua asturiana del añu 2020 . Tola información n’Educastur

El pasáu 19 avientu de 2019 representantes de la Secretaría de Llingua Asturiana de SUATEA aconceyemos col Director Xeneral de Política Llingüística, Antón García Fernández, persona na que delegó la Conseyera Berta Piñán p’atender la nuestra pitición d’entrevista personal con ella. Nesti conceyu presentémos-y les llinies básiques y urxentes d’actuación que, dende’l nuestru puntu de vista, tienen d’entamase nel próximu …

Nes axudicaciones de profesoráu interino de güei, 24 d’ochobre de 2019, faen rescamplar un grave problema de planificación eductativa no que cinca a la enseñanza del asturianu nel cuerpu de profesoráu de Secundaria que se repite añu tres añu. Siguen ensin cubrise dende primeros de cursu cuatro vacantes pa tol añu a media xornada: I..E.S El Sueve de Les Arriondes, …

Dende SUATEA denunciamos la discriminación, represión y humildación a la que sometió la presidencia de la Comisión parlamentaria de Cultura, Política Llingüística y Turismu a la Conseyera Berta Piñán al recomendar que nun siguiere emplegando l’asturianu y usare’l castellán énte la protesta de representantes de Vox y PP qu’alegaron  nun entender aquella llingua. La presidencia tomó esta decisión depués de …

Precariedá y vulneración de derechos Entama un nuevu cursu escolar y el profesoráu de Llingua Asturiana y Gallego-Asturianu sigue sufriendo otru añu más la precarización nel so puestu de trabayu. Cuasi la totalidá  ye profesoráu interino y na primera axudicación asígnáronse-y puestos a media xornada (85% de los totales) en munchos casos itinerantes. Esta tendencia a la precarización llaboral con …

EQUÍ podéis ver la rempuesta de la Ministra d’Educación a la pitición de SUATEA de modificar el Decretu Especialidaes docentes pa poder incluyir nelli les nuestes llingües autóctones. Na rempuesta, dempués de citar tola normativa vixente que regula la impartición de llingües oficiales y otres non oficiales con protección xurídica, conclúi que nun procede incorporar a la normativa básica (Decretu …

Güei día 21 de febreru, como tolos años nesta fecha dende l’añu 2000, celebramos el Día Internacional de la Llingua Materna.  Con elli conmemoramos l’asesinatu por disparos policiales de tres mozos estudiantes que se manifestaben esti día, nel añu 1952, en Bangladesh, reivindicando la oficialidá del idioma bengalí. La UNESCO, como institución creadora y pomotora d’esta fecha, cree na importancia …

Les axudicaciones de profesoráu interín de güei, 31 de xineru de 2019, faen rescamplar un grave problema de planificación eductativa no que cinca a la enseñanza del asturianu nel cuerpu de profesoráu de Secundaria: siguen ensin cubrise dende primeros de cursu dos places, una nel CPEB Zarréu (Degaña) y otra nel IES “Carmen y Severo Ochoa” de L.luarca. Poro, un …

SUATEA defende la especialidá énte la ministra Celáa Ayeri día 28 de xineru, la Ministra d’Educación aconceyó colos axentes sociales progresistes pa intercambiar puntos de vista sobro la derogación de la LOMCE y buscar el so sofitu a la nueva llei d’educación que tien preparada’l PSOE. Nesta xunta, el sindicatu SUATEA, al traviés de los representantes de la Confederación Intersindical …

Entamó’l cursu y 38 alumnos del total de los tres grupos d’Educación Infantil (EI) del Colexu Públicu de Morea (Ayer) nun recibirán enseñances de Llingua Asturiana. Suponen el 88, 8 per cientu del alumnáu d’esta Etapa y los sos padres escoyeron voluntariamente (derechu recoyíu nel artículu 4 del Estatutu d’Autonomía d’Asturies y l’artículu 10 de la Llei d’Usu) recibir clases …

LA CONSEYERÍA EDUCACIÓN DA’L LLOMBU A LES DEMANDES DE LA COMUNIDÁ EDUCATIVA SOL ASTURIANU  Llegando a la recta final de la llexislatura, la situación del asturianu y gallego-asturianu n’educación non solo lleva estos tres años estancada, sinón que recula y nun se respeten los derechos de la ciudadanía. Y ello magar al alcuerdu d’investidura robláu ente IU-PSOE nel que se …

La Llei d’Usu ta muerta ¡Viva la Oficialidá! Asina tenemos d’acoyer y celebrar los asturianos y asturianes la viniente oficialidá del asturianu y el gallego-asturianu cuando se reforme’l nuestru Estatutu d’Autonomía. La Llei d’Usu y Promoción del Asturianu ta vieya, ta dando les últimes bocanaes depués de ser caltenida polos sucesivos gobiernos de PSOE, PP Y FORO n’estáu crioxenización a …

Nueva forma d’accesu a les menciones Atendiendo a la nota informativa ( ver documentu) del pasáu xueves 19 del mes de xineru roblada pol secretariu xeneral d’universidaes, tou aquel alumnáu que tea en posesión del títulu de Grau de Maestru n’Educación Primaria o Infantil en cualquier universidá del Estáu Español va poder cursar mención nuna universidá distinta a aquella na …

Presentación del calendariu de SUATEA “Tiempu de muyeres, muyeres nel tiempu”, “Muyeres nel deporte” 2018. Dende va 14 años, la Confederación de STEs y SUATEA facemos y publicamos un calendariu que titulamos “Tiempu de muyeres, muyeres nel tiempu” que se distribuye per tolos centros educativos del Estáu. El calendariu ta ellaboráu de forma coordinada poles árees de Muyer de los …

Depués de 20 años d’aparheid llingüísticu, el nuestru idioma maltratáu nel currículu d’Educación Infantil. Ayeri, el Conseyu Escolar del Principáu d’Asturies (CEPA), aprobó’l decretu de primera modificación del Decretu 85/2008, de 3 de septiembre, pol que s’establez el currículu del segundu ciclu d’Educación Infantil (EI). Faise pa dar entrada a la llingua asturiana y el gallego-asturianu nelli y que l’alumnáu …

Resolvimientu de 2 de xunu de 2017, de la Conseyería d’Educación y Cultura, pola que s’establecen les instrucciones pal desenvolvimientu d’un Plan Piloto Esperimental de Promoción del Usu del asturianu pal añu académicu 2017/2018.

El sindicatu SUATEA asistió hai unos díes a les xornaes “Educación y llingües nuna escuela globalizada” organizaes pol sindicatu STEILAS del País Vascu sur y nes que tuvieron presentes amás del nuestru sindicatu en representación d’Asturies y la llingua asturiana, otros territorios con llingua propia como País Valencianu, Galicia y Cataluña. P’acabar estes xornaes lleóse, en tolos idiomes representaos, un …