SUATEA | Sindicatu Unitariu Autónomu de Trabayadores de la Enseñanza d'Asturies educación, asturias, educastur, oposiciones, enseñanza, marea verde, pública, escuela, colegio, instituto, interinos,
Esta entrada está disponible en: Castellano (Castellanu)
El problema ye muncho más grave de lo que la Conseyería reconoz
Dende va selmanes cerca de dos mil alumnos y alumnes asturianos alcuéntrense ensin docentes, sobre too nes especialidaes de formación profesional, enseñances de les que’l Conseyeru d’Educación afirmó que diben ser prioritaries. Tanto ye, que crió una Dirección Xeneral Especifica pa elles. La situación fala por ella mesma de lo grande que ye la preocupación manifestada pol Conseyeru coles enseñances profesionales.
La Conseyería d’Educación reconoció qu’existen 32 puestos vacantes y que pa iguar esta situación, en detectándose’l problema, abrió, cola Resolución de 28 de setiembre, 15 bolses de trabayu de les que solamente se baremaron dos de forma provisional.
El problema va tovía más p’allá, yá qu’existen un bon númberu d’especialidaes con places ensin cubrir que nun se incluyeron nesta Resolución, desmintiendo les declaraciones del Director Xeneral de Personal Docente y Planificación Educativa, que dixo que s’abriríen bolses de trabayu namás detectase’l problema. Dende SUATEA afirmamos qu’existen delles especialidaes con llistes vacíes y que nun tán incluyíes nesa Resolución.
SUATEA entiende que’l procedimientu ye bien fácil: namás que fai falta dir revisando en cada convocatoria qué llistes van llegando al final y publicar una Resolución na que s’abra bolsa pa caúna d’elles. Esti trabayu ye relativamente simple y asina lu tamos faciendo en SUATEA en cada convocatoria selmanal. De l’axudicación publicada güei (qu’apaez nel cuadru que se pue ver abaxo) vese a les clares que ye preciso abrir bolses d’estes especialidaes: (Cuerpo 591(FP): Equipos electrónicos y Patronaje; 592 (EOI): Alemán; 594 (Conservatorios): Guitarra y Percusión; 595 (AA Plásticas): Medios Informáticos ).
Aguardamos que dende la Conseyería tomen nota y entainen pa que’l númberu d’alumnos ensin docentes nun siga medrando de forma esponencial.
| Bolsas de trabajo abiertas 28 septiembre | Convocatoria 27 octubre | 72 | 47 |
| PRIMARIA | OFERTADAS | ADJUDICADAS | |
| NO | Audición y lenguaje | 6 | 6 |
| NO | Educación física | 1 | 1 |
| NO | Educación infantil | 4 | 3 |
| NO | Primaria | 10 | 9 |
| NO | Gallego asturiano | 1 | 0 |
| NO | Música | 3 | 3 |
| NO | Pedagogía terapéutica | 3 | 3 |
| Total | 28 | 25 | |
| SECUNDARIA | OFERTADAS | ADJUDICADAS | |
| SI | Administración de empresas | 4 | 0 |
| SI | Alemán | 4 | 3 |
| NO | Dibujo | 1 | 1 |
| SI | Economía | 1 | 0 |
| SI | Formación y orientación laboral | 6 | 0 |
| NO | Geografía e historia | 1 | 1 |
| NO | Inglés | 4 | 4 |
| NO | Intervención sociocomunitaria | 1 | 1 |
| NO | Lengua castellana y literatura | 2 | 2 |
| SI | Matemáticas | 2 | 2 |
| SI | Organización y gestión comercial | 3 | 1 |
| NO | Orientación | 1 | 1 |
| SI | Procesos sanitarios | 1 | 1 |
| SI | Tecnología | 3 | 1 |
| Total | 34 | 18 | |
| FORMACIÓN PROFESIONAL | OFERTADAS | ADJUDICADAS | |
| NO | Equipos electrónicos | 1 | 0 |
| NO | Estética | 1 | 1 |
| NO | Patronaje y confección | 1 | 0 |
| NO | Procedimientos diagnostico clínico | 1 | 1 |
| NO | Procedimientos sanitarios | 1 | 1 |
| Total | 5 | 3 | |
| OTROS CUERPOS | OFERTADAS | ADJUDICADAS | |
| EOI | 1 | 0 | |
| MUSICA | 3 | 1 | |
| ARTES PLÁSTICAS | 1 | 0 | |
| Total | 5 | 1 |
Uvieu, 29 d`ochobre de 2015
Secretariáu de SUATEA
Esta entrada está disponible en: Castellano (Castellanu)
