paga estra al 100 %

Esta entrada está disponible en: Castellano (Castellanu)

Yá tenemos equí la paga estra de branu y volvemos comprobar que nos siguen negando’l derechu a que’l sueldu, complementos ordinarios y trienios de la estra sían del mesmu importe que los de la paga ordinaria. Axuntámosvos una tabla na que podéis comprobar el retayu que nos supón esti amenorgamientu pa cada grupu.

La Confederación Intersindical ta realizando una campaña para recuperar yá esti derechu que nos arrampuñaron va catorce años.

Cuidao qu’esta recuperación del derechu al cobru íntegru de les pagues estra depende de la voluntá política del Gobiernu y de los partíos del arcu parllamentariu, Confederación Intersindical unvió escritos a los voceros d’éstos nel Congresu y nel Senáu, treslladando esta reivindicación y solicitando xuntes p’afondar na argumentación, pa sofitar y tratar de visibilizar esta campaña manifestémonos énte’l Ministeriu de Trabayu en Madrid, axuntemos cola presidenta de la Comisión de Función Pública del grupu parllamentariu socialista nel Senáu y esperamos ser recibíos pol ministru pal Tresformamientu Dixital y de la Función Pública, José Luis Escrivá.

Pero toes y toos sabemos que la unión ye la que fai la fuerza.

Por tolo espuesto, consideramos que ye’l momentu nel que tenemos de faer que la voz de tol personal de les Alministraciones Públiques sía escuchada, pa llogralo proponémosvos qu’unviemos a la Secretaría Xeneral de la Función Pública, dende la nuesa dirección de email institucional, un corréu manifestando’l nuesu refugu a esti retayu y esixendo el nuesu derechu a unes pagues estra íntegres.

Adxuntu a esti mensaxe tienes un par de modelos d’escritu esixendo que se nos restituya l’importe íntegru a cobrar nes pagues estra. Unu pa personal suxeto al réxime de seguridá social y otru pal personal adscritu al réxime de clases pasives.

¡PAGUES ESTRA AL 100% YÁ!

VER PDF CON LA COMPARATIVA

Print Friendly, PDF & Email

Esta entrada está disponible en: Castellano (Castellanu)