Resumen de novedaes del Pactu Asturies Educa

📋Evaluación docente: espublizada güei en BOPA la modificación del reglamentu de los planes d’evaluación de la función docente. Desapaez la “penalización” por IT y les persones nesta situación nel cursu 25/26 van cobrar el complementu a partir de setiembre.

🏥Reconocimientos médicos: suscritu’l conveniu según el cual el Serviciu de Salú del Principáu d’Asturies queda encargáu de descentralizar los reconocimientos médicos del personal, ensin llendalos a Uviéu y Xixón.

👅 Especialidá docente: tres de consiguise’l compromisu de Ministeriu d’Educación pa modificar los trés Reales Decretos que regulen les especialidaes docentes de forma que s’incluyan les llingües propies d’Asturies, siguimos avanzando camín d’esti oxetivu tan esperáu. El pasáu vienres 31 acabó’l primer plazu d’aportaciones públiques.

🕐Reducción d’horariu llectivu a mayores de 55 años: tres de la última propuesta de la Conseyería, rechazada n’asamblea por una amplia mayoría de l’afiliación del SUATEA, nun hai meyores enriba la mesa. Siguiremos presionando p’algamar nel cursu 27/28 una implantación al altor de les espectatives del profesoráu asturianu.

🧮 Revisa la to nómina de xunetu: nella, tienes que topar los atrasos de 14,62€ y el 1,5% del Acuerdo Marco, que se nos adeudaben dende xineru d’esti añu. Sobre’l complementu pal profesoráu técnicu de FP y la perda retributiva pal personal de MUFACE n’IT de llarga duración, sigue la so tramitación depués de l’aprobación del Alcuerdu de Retribuciones, y prevése que se pueda cobrar a partir d’esta seronda, y con calter retroactivu.