SUATEA | Sindicatu Unitariu Autónomu de Trabayadores de la Enseñanza d'Asturies educación, asturias, educastur, oposiciones, enseñanza, marea verde, pública, escuela, colegio, instituto, interinos,
Ayeri, martes 3 de payares, el Conseyu Escolar del Estáu dio’l preste a la tramitación de la modificación de los trés Reales Decretos que va facer posible la creación de les especialidaes d’asturianu y gallego-asturiano. L’informe favoratible del CEE aprobóse ensin enmiendes.
Agora, la modificación de los Reales Decretos tien que volver al Conseyu de Ministros y Ministres pa la so aprobación definitiva. Poro, el Gobiernu va cumplir colo comprometido con SUATEA na reunión de la Mesa de Negociación na que tuvimos presentes en Madrid del pasáu ochobre.
N’Asturies, la Conseyería d’Educación confirmónos esta mañana que, como se comprometiera el pasáu xunetu, tien bastante avanzada la redaición del Decretu autonómicu, y va dir adelantando los trámites col envís de tener fecho lo más posible cuando salga publicáu el testu definitivu.
