Comunicáu de SUATEA, CCOO Y UGT: fuelga el 27 mayu y 5 xunu

Ayeri pela mañana, 13 de mayu de 2025, axuntaron les organizaciones CCOO, SUATEA, UGT y CSIF. ANPE, anque tamién taba convocada, nun asistió a la xunta.

Les cuatro organizaciones consensuaron una propuesta pa movilizase unitariamente que consistía en dos xornaes de fuelga pal profesoráu que pon escuela nes etapes d’Infantil y Primaria, los díes 27 de mayu y 5 de xunu y, si la Conseyería d’Educación nun accede a retirar la eliminación de la xornada reducida y a abrir un procesu de negociación sobre la meyora real de les condiciones llaborales del profesoráu (esto inclúi les propuestes que se nos fixeron llegar a les organizaciones sindicales), acuerdase la estensión del conflictu a partir del día 9 de xunu, convocándose nueves xornaes de fuelga, ensin descartar la fuelga indefinida.

Güei, miércoles 14, nel marcu de la xunta na que nos emplazáramos ayeri les mesmes cuatro organizaciones, SUATEA anuncia que los sos órganos ratifiquen l’acuerdu, pero CSIF comunica que se desvincula del mesmu.

Les organizaciones sindicales firmantes, de les que formamos parte miles de docentes asturianes y asturianos, facemos un llamamientu a la movilización y la fuelga y pidimos confianza al profesoráu. Sigimos defendiendo que la unidá de toes y toos ye fundamental pa que consigamos meyores pal nuestru colectivu y pa la escuela pública.

CCOO, SUATEA y UGT