Deceicionante xunta sol procesu d’estabiliazación

Güei, 25 d’abril, a falta de poco más d’un mes de que tenga de faese pública la Ufierta d’Empléu derivada de los procesos d’estabilización establecíos pola Llei 20/2021, de 28 d’avientu, de midíes urxentes d’amenorgamientu de la temporalidá nel empléu públicu, la Conseyería d’Educación del Principáu d’Asturies convocó a una xunta informativa a les organizaciones sindicales con representación na Xunta de Personal Docente non Universitario, col únicu oxetivu d’informar de los criterios que van ser d’aplicación a la de cuantificar el númberu de places que tienen d’ufiertase por aciu’l procedimientu selectivu del concursu-oposición y del concursu de méritos.
L’alministración nun dio cifra denguna sol númberu de places de la ufierta estraordinaria, nin quixo aldericar los criterios que van rexir los procedimientos selectivos.

Esto ye, la xunta resultó dafechu deceicionante.

• Per un llau, los criterios pa detectar qué places tienen de considerase estructurales yá s’establecieron nel Resolvimientu de la Secretaría d’Estáu de Función Pública, de 1 d’abril, sobre les orientaciones pa la puesta en marcha de los procesos d’estabilización derivaos de la Llei 20/2021.
• Per otru, si a estes altures la Función Pública asturiana nun tien claros los criterios de contabilización queda claro que’l plazu pa la negociación sindical ye tan escasu como la so voluntá negociadora.

Uviéu, 25 d’abril de 2022