Aportaciones al Decretu d’Equidá: ratios

Como sabéis, unu de los puntos clave del Pactu “Asturies Educa” ye’l relativu al futuru Decretu d’Equidá, nel que Conseyería y les organizaciones sindicales firmantes queremos cambiar el paradigma col que se contempla l’atención a la diversidá n’Asturies.

Ayer presentamos les nuestres aportaciones al futuru Decretu y a la modificación del Decretu 147/2014, d’Orientación, que tamién taba comprometida nel pactu (puntu I.8 “un orientador/a por cada 350 alumnosas”). Esta vez, pidiéronsenos aportaciones namás no que se refier a ratios.

Una de les mayores señes d’identidá del SUATEA ye’l nuestru carácter asambleariu y horizontal, y préstanos comunicar qu’estes propuestes nacen d’un procesu participativu abiertu a tola afiliación.