SUATEA esixe un cambéu na regulación de los díes d’asuntos particulares

SUATEA pide que se quiten les llendes nel númberu másimu de docentes que
pueden esfrutar el permisu por asuntos paticulares nel mesmu día nos periodos
non lectivos.
El permisu retribuyíu por asuntos particulares yera un derechu que yá tenía
reconocíu’l profesoráu del restu de comunidaes autónomes y otros compañeros
y compañeres de l’alministración asturiana.
Frutu de la movilización del profesoráu, y del encierru que ficimos tolos
sindicatos presentes na Xunta de Personal Docente a principios de cursu na
Conseyería, esti permisu algamóse tamién pal profesoráu asturianu.
Agora tamos viendo les dificulates que van apaeciendo nos centros a la hora
d’exercer esti derechu y, por eso, la Conseyería tien que regulalu de manera
que tol profesoráu pueda facer usu d’elli sin que xenere desigualdaes.
Dende’l SUATEA pidimos que s’elimine’l tope de profesoráu/día que tien cada
centru pa garrar los díes d’asuntos propios cuando estos sían en díes non
lectivos. Son pocos los díes non lectivos nos meses de setiembre y xunu, y
algunos d’ellos ye obligatoria l’asistencia al coincidir con claustros. Por esti
motivu esiximos que la Conseyería rectifique y los centros puedan dar esi
permisu, los díes non lectivos, a tol profesoráu que lo solicite, siempre y cuando
nun suponga nengún inconveniente pal bon funcionamientu del centru.
Uviéu, 18 de febreru de 2024