Escueyi la SANIDÁ PÚBLICA

Too pola pública
Too pa la pública

En xineru, les y los funcionaries/os, como mutualistes de MUFACE, podemos escoyer ente l’asistencia proporcionada pola seguridá social -la de toes y toos- o la de les mutues privaes.
Nel SUATEA apostamos por escoyer la sanidá pública.

Si tenemos una malura grave, la sanidá pública ye la que te garantiza la meyor atención y los recursos necesarios en cualquier circunstancia. Atiende a tol mundu, en tol territoriu, y les sos decisiones básense puramente en criterios médicos y non en cuestiones de rentabilidá económica.

¡Xúnite al cambéu de tendencia en MUFACE! De los y les mutualistes que s’incorporaron ente 2010 y 2022: el 66% escoyeron la sanidá pública como garantía d’atención pa los problemes importantes de salú, por cuenta de los retayos de les compañíes privaes de los últimos años.

Dende’l SUATEA, como tolos años, animámosvos a que, si tais nuna aseguradora privada, faigáis el cambéu al INSS al traviés de la web de MUFACE: https://www.muface.es/muface_Home/Prestaciones/asistencia-sanitaria-nacional/cambio-entidad-sanitaria.html