15 d’ochobre. Día de la Muyer Rural

El feminismu, motor del repoblamientu de mundu rural

Les muyeres representamos más del 40 per cientu de la fuerza llaboral agrícola nos países desarrollaos. Según datos de la ONU, esta cifra algama’l 50 per cientu en países d’África y Asia.

Cuando falamos de la propiedá de la tierra, tenemos de ser conscientes que les muyeres tamos nuna clara desventaxa. En munchos países nun esisten normatives que nos garanticen derechos de propiedá de la tierra, pero en munchos d’estos casos, les principales productores de los alimentos somos les muyeres.

Ye un retu vivir en mediu rural nel nuesu país. Falamos de protección y sostenibilidá del mediu ambiente, falamos sostenibilidá poblacional que fai posible’l caltenimientu de los nuesos pueblos, retos onde les muyeres tenemos una gran importancia.

Per otru llau, dende la Organización de Muyeres de la Confederación Intersindical, esiximos a los poderes públicos, a los grupos políticos, qu’acaben cola desigualdá que reina nel mundu rural. Ye imprescindible la ellaboración d’una estratexa que lluche contra la despoblación.  Esta tien de ser diseñada con una acentuada perspectiva feminista que favoreza una igualdá real y efectiva na qu’agora conocemos como la `España vaciada´.

Anque, de sobra ye conocío, que la España urbana caltien actitúes machistes, nun podemos refugar qu’en mundu rural, azotáu pol patriarcáu, atopemos la oportunidá de consolidar una sociedá tan singular como igualitaria. Una sociedá encimentada nuna escuela pública rural de la que surda la enseñanza coeducativa.

Poro, tamos énte un exemplu de que la despoblación nel mediu rural non solo tien de rellacionase como una amenaza sinón como la oportunidá de xenerar un nuevu modelu de sociedá.

La educación o la cultura, nun tienen de ser los únicos elementos pa tirar poles zones rurales del nuesu país. Pa ello, ye necesario que los gobiernos (locales, provinciales, autonómicos, estatales y, inclusive, europeos) apuesten por una política de cohesión territorial al traviés de la meyora de la víes de comunicación. Les autovíes, el tren d’alta velocidá o la cercanía a un aeropuertu, tienen de ser pieces fundamentales na recuperación del territoriu rural.

Amás, en plenu sieglu XXI ye fundamental que s’esanicie toa zona de solombra nes cobertories móvil 5G o fibra d’alta velocidá. Tanto la vía física, la carretera, como la vía dixital son aliaes d’una recuperación del mundu rural, como d’una reivindicación del movimientu feminista en mundu rural.

¡ Nunca habrá una repoblación del mundu rural, sía dixital o non, ensin una revolución !

¡ Nunca habrá una revolución ensin el movimientu feminista !

Organización de Muyeres de la Confederación Intersindical