SUATEA nel Senáu

Esta entrada está disponible en: Castellano (Castellanu)

Güei pela mañana (miércoles 21), axuntáronse nel Senáu representantes de la Coordinadora Estatal de Personal Público Temporal (CEPPT)  y miembros de distintes organizaciones sindicales alternatives colos  voceros de la Comisión de Función Pública del Senáu. Nesa xunta tuvo presente SUATEA xunto cola nuesa  Confederación Intersindical (CI). L’oxetu de la xunta foi treslladar el conxuntu d’argumentaciones que sofiten el pidimientu de poner fin a la política d’abusu de contratación en fraude de llei qu’afecta a miles de persones en tol país.

Con estes acciones, el personal interino en fraude de llei vuelve denunciar que les Alministraciones Públiques siguen ensin reparar l’abusu que lleven décades cometiendo al cubrir con trabayadores temporales places fixes, devasando la llende llegal de trés años. El Tribunal de Xusticia de la Unión Europea esixó solucionar esta cuestión hai yá más d’un añu, estableciendo sanciones a les alministraciones infractore. Nesti sentíu, los grupos de la Cámara Alta yá aprobaron n’ochobre una moción qu’encamentaba a dar “respuestes llegales d’estabilización de los emplegaos públicos”.

Esta xunta inscríbese nel conxuntu de movilizaciones convocaes pa estos díes en Madrid qu’inclúin una concentración frente al Senáu coincidiendo con una comparecencia del ministru Miquel Iceta. Tamién, pela tarde habrá una concentración frente al Ministeriu de Política Territorial y Función Pública. Con estos nuevos actos, les organizaciones de personal interino ponen de manifiestu que van lluchar per toles víes posibles para defender los sos derechos, frente a la inacción de les alministraciones, buscando respuestes llegales d’estabilización de los emplegaos públicos.

Tanto’l Gobiernu central, como los autonómicos, solo contemplen la convocatoria d’oposiciones pa cubrir de forma definitiva les places ocupaes pol personal abusáu. Pero d’esta forma, el personal temporal que nun supere’l procesu va vese cesao ensin derechu a nenguna compensación, lo que nun supón nenguna sanción pa los culpables del abusu, esto ye, les Alministraciones. Por eso, Europa dio a escoyer ente dos soluciones: indemnizaciones disuasories o la fixeza del personal, solución defendida pa la Confederación Intersindical (CI)  y SUATEA, porque supón costu cero pa les arques públiques y caltedría a miles d’emplegaos de probada esperiencia.

Los convocantes recuerden tamién que solicitaron una xunta con Miquel Iceta, qu’esti refugó, y pidióse otra al secretariu d’Estáu de la Función Pública; pero, a la espera de recibir dalguna respuesta, tamién s’estudia la posibilidá de nueves  concentraciones, querelles xudiciales contra los responsables de les contrataciones y convocatories de fuelga.

                         Uviéu 21 de marzu 2021


Print Friendly, PDF & Email

Esta entrada está disponible en: Castellano (Castellanu)


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4757

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4757