Home > Comunicaos > Reunión cola Conseyería: oposiciones 2018

Reunión cola Conseyería: oposiciones 2018

XUNTA DE SINDICATOS Y CONSEYERÍA:CONVOCATORIA D’OPOSICIONES 2018 N’ASTURIES

Na mañana del miércoles, 28 de febreru, celebróse una xunta de les OOSS de la Xunta de Personal cola Conseyería pa informar sol Resolución pola que se van convocar procedimientos selectivos de 2018. L’Alministración unviónos un borrador que nun va ser definitivu hasta que se publique la Resolución.

Cambeosen comparanza cola convocatoria de 2016:
Nº de temes a estrayer
  • Hasta 25 temes: va escoyese ente 3 temes
  • Ente 25 y 50 temes: va escoyese ente 4
  • Más de 50 temes: va escoyese ente 5
Ponderación de la nota

60% fase d’oposición  40% fase de concursu

Experiencia docente
  • Va valorase hasta 7 puntos.
  • Van contabilizar hasta 10 años d’esperiencia

 

Novedaes na convocatoria específica d’Asturies
·         Les places van partir por tribunal Van asignase de forma proporcional al númberu d’aspirantes que completen la primer prueba
·         Va realizase un sortéuúnicu de temes per especialidá
·         Documentación Nun va ser necesario apurrir méritos que yá se presentaron en convocatories anteriores. Van actualizased’oficiu los servicios emprestaos n’Asturies

 

PROPUESTES PRESENTAES POR SUATEA

  1. Asignación de places a los tribunales: consideramos más xusto repartir les places nel conxuntu de los tribunales. Pue asoceder que superen los procesos selectivos aspirantes d’un tribunal con notes inferiores a les de los otros.
  2. Documentación: ye necesario detallar si se deben apurrir copies de la documentación y si tienen de tarcompulsaes.
  3. Tases: Consideramos que son demasiao elevaes y que se debiera contemplar la exención en casu de persones en situación de desempléu, families numberoses, etc.
  4. Composición de los tribunales: No rellacionao coles dispenses pa formar parte de los tribunales, proponemos que tienen d’incluyise nos motivos d’exención l’haber formao parte de tribunalesna convocatoria anterior, o quien tengan fíu o fía menor de trés años o persones dependientes al so cargu. Asina se fain’otros territorios, como Cantabria o Castiella y Llión.
  5. Entamu del procesu selectivu: defendemos qu’haya un actu de presentación nel que se dean instrucciones sobro’l procesu. Amás, los criterios de corrección y valoración consideramos que tienen de publicase con una anterioridá precisa (siquier 72 hores), o incluyilos nel mesmu Resolvimientu, como faen en territorios como Murcia, Aragón, etc.
  6. Xustificaciones pa nun presentase a la oposición.Hasta’l momento namá inclúin la hospitalización por motivos d’embarazu y/o partu. Pidimos que se consideren otros motivos por causes de fuerza mayor y que nun s’escluya a les persones interesaes nes llistes d’interinidá.
  7. En relación cola prueba práctica (Parte A), Entendemos que nel Resolvimientu tien d’incluyise un anexu qu’incluya les característiques pa cada especialidá. Amás, proponemos que se rellacione col currículu vixente de la especialidá y non col temariu y que se propongan siquier dos opciones pa escoyer una. Tampoco consideramos afayadizo delimitar el tiempo máximu d’esta prueba en dos hores.
  8. Garantizar l’anonimatu d’aspirantes. Consideramos que garantizar l’anonimatu de los/les opositores ye prioritario pa que tolos/es aspirantes vayan n’igualdá de condiciones, más nuna Comunidá como Asturies onde ye fácil que dellos aspirantes y miembros de los tribunales puedan conocese.
  9. Fecha d’entrega de programaciones. Un plazu mínimu de 48 hores dende la publicación de les calificaciones d’esta prueba.
  10. Caltener el derechu a la intimidá y privacidá de los aspirantes. Proponemos que s’estableza un sistema de claves personales p’aportar a datos, baremu y notes de tolos candidatos de la so especialidá. Defendemos la tresparencia pero nun queremos información per Internet que someta a los/les opositores a posible escarniu públicu, como asocedió n’otres ocasiones.
  11. Programación y unidaes didáctiques. Proponemos que la programación pueda algamar les 60 fueyes y que s’incluya una forqueta d’unidaes didáctiques ente 10-15 ó 12-15.
  12. Valoración de la primer prueba. La primer prueba namá va ser calculada cuando la puntuación llograda en caúna de les partes sía igual o superior a 1.25, lo qu’implica de fechu qu’aestes persones valoraránles con un “cero” nes llistes d’aspirantes a interinidá cuando de xurutien más nota.
  13. Plazu de reclamación a les puntuaciones de la primer prueba. Tien de dexase la reclamación tres la primer prueba y non yá a la fin del procesu.
  14. Nel apartáu II “Formación académica”, considerar como méritu les titulaciones de Grau. En delles CCAA tiénense en cuenta (Castiella y Llión).
  15. Correspondencia de titulaciones anteriores a Bolonia. Proponemos una puntuación suplementaria nestes titulaciones conforme al nivel académicu que correspuendadientro del MECES.
  16. Títulos d’Especialista o Espertun’asturianu. Esiximos la reconocencia como títulos propios de la Universidád’Uviéu, de la mesma manera que la tienen otros títulos de posgráu.

 

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3743

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3743