SUATEA | Sindicatu Unitariu Autónomu de Trabayadores de la Enseñanza d'Asturies educación, asturias, educastur, oposiciones, enseñanza, marea verde, pública, escuela, colegio, instituto, interinos,
Esta entrada está disponible en: Castellano (Castellanu)
Los STES-intersindical, Confederación na que ta integráu SUATEA, agradecen al profesoráu’l sofitu que recibieron nes elecciones sindicales feches el 4 d’avientu, pos anueven el so compromisu cola defensa de la escuela pública y del so profesoráu, amás de la práctica del sindicalismu asambleariu que los define.
Les elecciones realizaes llograron que los STES aumenten la so representación nel conxuntu del Estáu, pasando de 505 delegaes y delegaos sacaos en 2010 a 553 nel 2014. El restu de fuercies sindicales a nivel estatal perdieron sofitu ente’l profesoráu.
Los STES son primer fuerza sindical en Valencia, Castiella y Llión, Isles Baleares, Cantabria y Asturies; y la segunda n’Andalucía, Castiella-La Mancha, Canaries y Aragón, a falta de celebrase les elecciones en Cataluña, País Vascu, Navarra y Melilla, territorios nos que los STES son la primer fuercia anguaño, y en Ceuta.
Los STES-i somos conscientes de la responsabilidá que trai l’enfotu que’l profesoráu volvió a apurrinos pa que lu representemos énte les Conseyeríes d’Educación de les Comunidaes autónomes y énte’l Ministeriu d’Educación y, ensin dulda dala, vamos cumplir el nuestru compromisu de facelo buscando la creación d’empléu, la estabilidá pal profesoráu interín, la recuperación de les condiciones de trabayu del conxuntu del profesoráu y la potenciación de la escuela pública de toos/es y pa toos/es, practicando un sindicalismu asambleariu y promoviendo les movilizaciones necesaries pa tornar esta situación a la que mos llevaron les polítiques de retayos na educación pública y los cambeos lexislativos fechos polos últimos gobiernos.
Secretariáu de la Confederación de STES-intersindical y Secretariáu de SUATEA
5 d’avientu de 2014
Esta entrada está disponible en: Castellano (Castellanu)
