Día Internacional del Laicismu

La importancia del movimientu laicista internacional por una sociedá más llibre y democrática, necesita que les sos reivindicaciones tengas reflexu, amás de simbólicu, significativu y d’axitación social, estableciendo una fecha onde conmemorar el “Día Internacional del Laicismu y de la Llibertá de Conciencia” que se celebre, añalmente, n’entornos mundiales cada vuelta más amplios y reconocíos.

Nesti marcu, Europa Laica estableció, dende’l 2012, la fecha del 9 d’avientu de cada añu, como’l de la commemoración d’esti día, al que se van axuntando organizaciones laicistes y de llibrepensamientu de tol mundiu.

La razón que nos llevó a señalar esta fecha tien el so orixe na correspondiente del 9 d’avientu de 1905 cuando se proclama la llei francesa de “Separación del Estáu de les relixones” que supunxo un fitu mundial nesti tarrén, siguiendo’l camín de la Declaración de los “Derechos del Home y del Ciudadanu” de 1789. Pero, amás d’ello, la fecha escoyida tien, nel nuestru país, l’altu valor simbólicu y de reconocimientu a la fecha del 9 d’avientu de 1931, de proclamación de la Constitución de la II República española, que suponxo una llei de lleis de claru calter laicista (la primera y más clara d’estes característiques a nivel mundial) na sienda de la llei francesa y superando constituciones laicistesllatinoamericanes. El reconocimientu de la Llibertá de Conciencia nesta Constitución foi incluso anterior al que posteriormente s’estableció, 17 años más tarde, na “Declaración Universal de los Derechos Humanos” de 1948 (10 d’avientu), siendo’l día 9, viéspora d’esta conmemoración a nivel mundial.

Declaración-Manifiestu del 2014

Actos programaos nel Estáu 

Xixón – Asturies
Miércoles, 10 d’avientu, a les 19 hores.
Centro de Cultura Antiguu Institutu. c/ Jovellanos, 21.

Sevilla
Martes, 9 d’avientu, a les 19’30 hores
Salón d’Actos de Canal Sur RTVA na Islla de la Cartuja

Córdoba
Martes, 9 d’avientu, a les 19 hores
Facultá de Ciencies del Trabayu, Cai Adarve, 30

Granada
Martes, 9 d’avientu, a les 19 hores
Salón d’Actos de la Facultá de Ciencies del Trabayu.
Cai Rector López Argüeta