Home > Comunicaos > Día Internacional de la muyer y la neña na ciencia.

Día Internacional de la muyer y la neña na ciencia.

La Organización de Muyeres de la Confederación Intersindical quier conmemorar el día Internacional de la Muyer y la neña na Ciencia.

Les muyeres, tuvieron siempres, en toles ciencies y a tolos niveles. Pero nun les vemos, la hestoria encargóse d’escondeles. Vivieron, ya tovía viven, a la solombra de los sos colegues, apostraes poles élites intelectuales de cada dómina. Ye’l momentu de qu’ocupen el so llugar nesa hestoria.

La non participación de les muyeres en tolos aspeutos del saber científicu deriva nun impactu negativu na ciencia que se desenvuelve porque ¿cómo va ser la meyor una ciencia qu’esclúi les aportaciones, el talentu, la visión y les capacidaes de les muyeres? Sobro too nel campu de la investigación. Que se basa na xeneración de nueves idees que surden de la diversidá y non d’un ideariu uniforme. Esti desequilibriu inflúi de diverses maneres na investigación, una d’elles ye la falta de temes específicos de les muyeres nos proyectos prioritarios d’investigación. Les enfermedaes cardiovasculares son un exemplu conocíu de cómo la prevención, la detección y el manexu de la enfermedá tán influyíos pola distinta percepción del riesgu per parte del médicu, qu’asume que les muyeres tienen menor riesgu de presentar estes enfermedaes y, por tanto, reciben menor atención.

Col fin de llograr l’accesu y la participación plena y equitativa na ciencia pa les muyeres y les neñes, y amás pa llograr la igualdá de xéneru y el empoderamiento de les muyeres y les neñes, l’Asamblea Xeneral de les Naciones Xuníes decide proclamar el 11 de febreru como’l Día Internacional de la Muyer y la Neña na Ciencia [Ver el resolvimientu nel documentu A/RES/70/212 ].

La celebración del día 11 de febreru como’l de les muyeres y neñes na ciencia, pretende visibilizar la necesidá d’educar n’igualdá y de que les neñes tengan accesu a la educación, que tengan los mesmos derechos y oportunidaes p’aportar a órganos de decisión nel campu de la ciencia.

Ye importante que les neñes tengan referentes femeninos en tolos campos del saber, por ello ye importante que conozan y aprecien les aportaciones de les muyeres na ciencia. Ye necesario que se sientan capaces de llegar a les metes que se propongan ensin “la torga” del xéneru”.

Dende la Organización de Muyeres de la Confederación Intersindical, nel nuesu enfotu de contribuyir na visibilización de les muyeres, ellaboramos un calendariu onde, a lo llargo de los 365 díes faemos referencia a fechos y acontecimientos que reflexen les lluches feministes, según aportaciones de muyeres nos distintos campos del saber, ente ellos la ciencia, deseamos qu’esta pequeña aportación sirva como referente pal apoderamientu de les muyeres y les neñes.

Madrid, 11 de febreru de 2017

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3743

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3743