Pola xestión democrática de los centros

Derogación inmediata de la LOMCE y cambéu de la LOE pa facer posible la xestión democrática de los centros educativos. Non al modelu de xestión empresarial y competitivu.

1. Non a un Estatutu Docente que recorte derechos del profesoráu.
2. Potenciación de claustros y conseyos escolares y recuperación de toles competencies sobre xestión y gobiernu de los centros. Non a la conversión d’estos órganos en meros órganos consultivos. Non a que les direcciones de los centros asuman les competencies usurpaes a los órganos colexaos.
3. Eleición democrática de tolos cargos directivos, incluyíos los de los Centros Integraos de Formación Profesional.
4. Potenciación del trabayu n’equipu del profesoráu y eliminación de la xerarquización actual nos cuerpos docentes.
5. Non a los contratos programa; dotación de tolos recursos necesarios a tolos centros.
6. Creación y potenciación de los Conseyos Escolares Municipales y Territoriales. Elección democrática de los representantes nestos Conseyos Escolares.
7. Corresponsabilidá y paridá nes xeres de coordinación y xestión de la organización de los centros ensin sesgos sexistes.
8. Desarrollu d’una educación basada nos valores del pensamientu críticu, la llibertá de conciencia y d’espresión, la solidaridá, la igualdá de xéneru, la llaicidá y el respetu a la diversidá étnica, cultural, llingüística, sexual y d’identidá de xéneru.
9. Desarrollu de programes que recueyan temes tresversales en toles arees: coeducación, prevención de la violencia de xéneru, prevención del racismu y la xenofobia, prevención de la homofobia, educación emocional y sexual, educación medioambiental, educación pa la paz y la democracia.
10. Inclusión nel currículu escolar y nos planes d’Acción Tutorial de programes que potencien el respetu hacia la diversidá sexual ya identidá de xéneru. Prevención del acosu y discriminación por esta causa o cualquier otra a cualesquier persona de la comunidá educativa.
11. Dotación de bastante personal docente y non docente y de medios materiales pa prevenir y atayar situaciones d’acosu contra cualquier miembru de la comunidá educativa. Derechu a la defensa xurídica efectiva del profesoráu afectáu por situaciones d’acosu.
12. Reserva d’una hora complementaria (hora sindical) de la xornada llaboral pa que’l profesoráu puea axuntase y tratar cuestiones llaborales.