Informe Mesa de Negociación sobre Prof Tec de FP y procesu d’Estabilización

MESA ESTATAL PTFP Y ESTABILIZACIÓN

05 D’ABRIL DE 2022

Nel día de güei tuvo llugar una mesa de negociación ente’l Ministeriu d’Educación y Formación Profesional (MEFP) y les organizaciones sindicales del sector. En dicha mesa encetaron dos puntos fundamentales:

1.            Procedimientu d’incorporación del profesoráu técnicu de formación profesional (PTFP) al cuerpu de profesoráu d’enseñanza secundaria (PES).

2.            Procedimientos estraordinarios de estabilización.

1 PTFP:

Nun nos presenten borrador, dícennos que ta disponible a consulta pública na web del Ministeriu:

https://www.educacionyfp.gob.es/eu/servicios-al-ciudadano/informacion-publica/consulta-publica-previa/abiertos/2022/prd-integracion-profesorado.html

Tienen claro les dos partes de les que va constar:

• Integración de PTFP  nel cuerpu de secundaria.

• Funcionamientu del profesoráu especialista.

Esto va riquir el cambéu de dos RRDD: el 276/2007 (d’accesu) y el RD d’especialidaes.

Al respective de la integración de PTFP de les 19 especialidaes nel cuerpu de Secundaria:

•  L’únicu requisitu va ser tar en posesión de la titulación de grau, equivalente a efectos d’accesu a la función pública o docencia. Son 3 opciones, la primera ensin duldes y les otres dos:

– Equivalente a la función pública: asina s’inclúin diplomatures ya Inxenieríes Técniques.

– Equivalente a la docencia: nun lo espliquen.

•  Va ser de forma inmediata en cuanto s’apruebe el RD. Habrá una convocatoria (20 díes) per cada alministración p’actualizar titulaciones. Quien s’acueyan a esta convocatoria, va reconocése-yos con calter retroactivu los sos derechos.

•  Amás, ta’l procesu abiertu hasta xineru del 2026. Nesti casu, los efectos van ser desque se fai la solicitú.

•  Cada funcionariu/a va presentar la solicitú onde tien destín definitivu o en mira de destín.

•  Va considerase’l profesoráu con delles especialidaes, en excedencia, etc. Ye un derechu de toa persona funcionaria con independencia de la so situación alministrativa, sacante excedencia voluntaria, que tienen que reingresar primeru. Va aplicase lo recoyío nel EBEP.

•  Va integrase nel A1 el funcionariado del cuerpu de PTFP que cumplan  el requisitu de titulación, incluyendo’l profesoráu de les 10 especialidaes que pasen al nuevu cuerpu de profesores especialistes en sectores singulares.

•  El profesoráu funcionariu de carrera de les 10 especialidaes que se van integrar nel nuevu cuerpu de profesores especialistes en sectores singulares que, a la entrada a valir de la LOMLOE, cumplía les condiciones d’accesu al cuerpu de profesoráu de secundaria, va aportar de forma automática nel momentu que s’estableza. En casu de nun cumplir diches condiciones, va disponer d’un plazu de 5 años pa cumpliles y solicitar l’accesu (hasta’l 19 de xineru de 2026). El  funcionariáu de carrera que s’incorpore con posterioridá a la integración de les especialidaes nel cuerpu del profesoráu especialista en sectores singulares de la FP nun van poder optar a esti procedimientu p’aportar al cuerpu de profesoráu d’enseñanza secundaria, teniendo de faelo pol procedimientu ordinariu que s’estableza nel reglamentu d’ingresu y accesu a la función pública docente.

Cambéu del RD d’especialidaes (Real Decretu 1834/2008):

•  Infórmasenos de que con cualesquier diplomatura, inxeniería técnica o arquitectura técnica podría aportase al cuerpu de secundaria.  Amás, anque nun lo confirmaron totalmente, tampoco cerraron la puerta a incorporar como equivalente a efectos de docencia, siquier, les titulaciones de técnicu cimeru, técnicu especialista o maestru de taller de les especialidaes propies de la familia profesional correspondiente p’aquelles persones que, nel so momentu, aportaron a la función pública con esta titulación.

•  Definir les nueves especialidaes de secundaria, les que queden a estinguir y les especialidaes del nuevu cuerpu de profesoráu especialista en sectores singulares.

•  Asignación de módulos a cada especialidá. Lo único seguro ye que’l cuerpu a estinguir de profesoráu técnicu de formación profesional va caltener la asignación actual.

•  En casu de nun integrase van quedar cola so atribución docente hasta la so estinción.

•  Solo van quedar dos cuerpos: el de secundaria y el d’especialistes en sectores singulares.

•  Transitoriamente va coesistir el cuerpu a estinguir de PTFP. Va haber especialidaes que tean nesti cuerpu y nel de secundaria hasta que tol profesoráu que nun axunta les condiciones p’aportar al cuerpu de secundaria xubílese. Coles mesmes, va haber especialidaes que tean nel cuerpu de secundaria y nel d’especialistes en sectores singulares hasta que los qu’agora apuerten al de secundaria xubílense.

Cambéu del RD d’accesu (276/2007):

•  Yá nun va haber nuevu ingresu al cuerpu a estinguir de PTFP. El profesoráu va tenese que presentar a secundaria coles condiciones de titulación que se recueyen equí.

•  Los cambeos tán pensaos pal cuerpu de profesoráu especialista en sectores singulares.

PROPUESTES REALIZAES POR STES:

Sobro’l procesu d’integración de les 19 especialidaes del 591 nel cuerpu de secundaria:

•  Tienen qu’esclariar la frase “equivalente a efectos de docencia de les especialidaes del cuerpu del profesoráu d’enseñanza secundaria”. Fíxose un borrador que nun se publicó de cuálos son eses titulaciones equivalentes, y son solo pa delles especialidaes. Estes especialidaes son nueves, ¿van tener anexu específicu nel RD d’accesu? Nesi casu, podríen incluyise titulaciones de grau cimeru en ciertes especialidaes como esceición recoyida nel artículu 2 del EBEP a lo recoyío nel artículu 76 del propiu EBEP.

•  ¿Qué pasa col profesoráu interín ensin titulación universitaria de les 19 especialidaes? Esiximos transitoria mientres dure lo que s’indica’l RD 777/98 o que s’aplique la transitoriedad de los 5 años pa interinos. Hai comunidaes que venceyen la permanencia en bolses d’empléu a presentase a les oposiciones, si agora nun pueden, van ser despidíos.

•             Pagu d’atrasos con intereses. Reconocencia pa les pensiones dende xineru de 2021.

Sobro’l cuerpu de profesoráu especialista en sectores singulares:         

•             Actualización del RD 276/2007 los títulos cimeros de FP “APONDERE”.

•          Nun-yos dexen matriculase nel equivalente al máster nes universidaes y tampoco presentase a les oposiciones a los nuevos titulaos cimeros.

Exemplu: el títulu de Técnicu Cimeru en Patronaxe y Moda (RD 954/2008). Esti títulu nun ta recoyíu nel RD 276/2007, nel so anexu VI ta’l de Técnicu Cimeru en Patronaxe, pa la especialidá de Patronaxe y Confección.

A pesar de qu’el RD 954/2008, nel so artículu 1.2 pon: “Lo dispuesto nesti real decretu sustitúi a la regulación de los títulos de Técnicu Cimeru en Patronaxe, contenida nel RD 738/1994, de 22 d’abril, y de Técnicu Cimeru en Procesos de Confección Industrial, contenida nel RD 737/1994, de 22 d’abril.”, la realidá ye qu’esta sustitución nun ye entendida como “equivalencia” poles alministraciones educatives de delles comunidaes, que torguen la participación nel concursu-oposición a los aspirantes con esta titulación, y en delles universidaes qu’ufierten el Certificáu de Formación Pedagóxica pal Accesu al Oficiu Docente de FP, porque la normativa diz que ye “p’aquelles persones que, entá tando en posesión d’una titulación declarada equivalente a efectos de docencia nes enseñances de Formación Profesional”. Como nun ta recoyida nel RD 276/2007, nun son almitíos.

•             ¿Plantega reconocese de dalguna manera a toles persones que nun van pasar al A1?

•             Otramiente, débese abrir yá’l procesu pa integrar nel cuerpu A1 al profesoráu del cuerpu de maestros, mayoritariamente yá tienen el títulu de grau, y tase contradiciendo asina los mesmos argumentos del Ministeriu.

2. ESTABILIZACIÓN:

Nel Conseyu de ministros de la selmana próxima, o nel siguiente, va aprobase’l cambéu del RD 276/2007. El documentu ye emponedor, nun tien calter normativu pero dexa claro que nun hai aumentu de plantiya nin de gastu públicu.

Criterios pa escoyer places: hai que dexar al albur de les CCAA la determinación de les places. Los criterios qu’establez el MEFP son bien xenerales.

PLANTEAMIENTU DE STES:

•  Dase un pasu adelantre pero bien tímidamente.

•  Esmoleznos nun averanos nin de llueñe al 8% y qu’haya comunidaes onde hai xuna alta tasa d’interinidá y teniendo marxe pa sacar un bon númberu de places pol procedimientu estraordinariu, #guardar pa otres ocasiones.

•  El criteriu de desempate en concursu de méritos nun puede ser les notes d’anteriores oposiciones.

•  Si nun se pon dalgún elementu pa evitar que la concurrencia pol sistema de concursu de méritos a múltiple comunidaes, podría producise’l colapsu nes más pequenes.

•  Echamos en falta un apartáu que regulara un actu presencial simultáneu pa evitar la concurrencia en dellos territorios al empar nel concursu de méritos.

MINISTERIU:
•  N’avientu de 2024 tienen de tar termináu’l procesu, polo que nes convocatories previes a 2022 tien que tar contempláu que’l procesu termine antes d’avientu de 2024.

3. RUEGOS Y ENTRUGUES:
Calendariu de negociaciones: Inda nun hai calendariu concretu.
MIR na Comunidá de Madrid: Nun tienen xuna opinión al respeutu porque nun conocen inda los detalles.

Finalmente, dambes temes quedaron pindies de más concreción en posteriores xuntes.

Secretariáu STEs/ SUATEA
05/04/2022