Pola igualdá ente muyeres y homes

Esta entrada está disponible en: Castellano (Castellanu)

1. Inclusión nel currículu escolar y nos planes d’Acción Tutorial d’una asignatura obligatoria d’Educación pa la igualdá de xéneru, qu’incluya la educación afeutivo-sexual y la prevención del acosu.
2. Fomentu de midíes que favorezan l’accesu de les muyeres a los órganos de gobiernu y equipos directivos de los centros.
3. Formación inicial y permanente del profesoráu sobre Igualdá de Xéneru y Coeducación.
4. Inclusión y visibilización, nos currículos correspondientes, de toes aquelles muyeres que contribuyeron al progresu y les meyores algamaes en ciencia, cultura y desarrollu social.
5. Adopción de midíes qu’eviten comportamientos sexistes nel usu del llinguaxe y de los estereotipos nos materiales escolares y na convivencia nos centros.
6. Impulsu de programes de prevención de la violencia contra les muyeres.Inclusión de midíes nos proyectos educativos de los centros.
7. Adautación del puestu de trabayu pa les muyeres embaranzaes o en períodu de lactancia, cuando les condiciones d’aquel puen influyir negativamente na salú de la muyer, del fetu o lactante.
8. Esixencia d’un Plan d’Igualdá nel ámbitu educativu que contemple la figura de coordinación en cada centru, cola reducción d’horariu correspondiente.
9. Establecimientu de les asesoríes de formación del profesoráu en materia de Coeducación. Dotación a los centros de materiales y recursos didácticos específicos en Coeducación y Prevención de la violencia contra les muyeres.
10. Ampliación del permisu maternal por nacimientu o adopción a un períodu de 26 selmanes, acordies colos encamientos de la Organización Mundial de la Salú. Permisu paternal igual al maternal, obligatoriu, intransferible y remuneráu al 100%.
11. Permisos de maternidá o paternidá acumulables pa les families monoparentales o p’aquélles nes que fine una de les persones. Posibilidá d’amestar l’acumulación de lactancia a una excedencia o a un permisu por asuntos propios.
12. Los períodos vacacionales y non llectivos del calendariu escolar nun van computar como permisu de maternidá/paternidá o lactancia.
13. Incluyir nel calendariu escolar como feches a conmemorar el 25 de payares y el 8 de marzu.
14. Formación inicial y permanente del profesoráu sobre Igualdá de Xéneru y Coeducación, en tolos estudios universitarios. Nel máster del profesoráu, impartiráse como asignatura troncal.

 

Esta entrada está disponible en: Castellano (Castellanu)