Non a los retayos de personal nes escueles públiques de 0-3 años d’Asturies

Dende les Escueles Infantiles Públiques de Primer Ciclu d’Asturies amosemos el nuesu desalcuerdu coles plantiyes de personal educativo axudicaes pola Conseyería d’Educación pal cursu escolar 2015-2016.
Anque estes plantiyes sían provisionales, cuidao que la matrícula d’alumnos/es inda nun ta cerrada definitivamente y va variar mientres el cursu, creemos qu’en nengún casu tien de retayase la plantiya esistente del anterior cursu escolar por despidos nin cambeos de xornada.
Consideramos que los criterios qu’establez la Conseyería d’Educación pa l’asignación del personal son poco escamplos y oxetivos, cuidao que considera a los neños y neñes como meros númberos y non como persones. Toos estos retayos de personal, independientemente de la matrícula qu’haya, amenorguen claramente los principios educativos que rixen estes escueles y que tienen de primar percima de presupuestos o estadístiques.
Por tanto, SOLICITAMOS de manera urxente ya inmediata que:
-La Conseyería d’Educación paralice de momentu los retayos de personal que se tán dando nes Escueles Infantiles Públiques de Primer Ciclu d’Asturies, mandando una nueva propuesta de plantiya a los Conceyos, que caltenga a lo menos al personal qu’había nel cursu 2014-2015 y coles sos mesmes xornaes llaborales.
– Qu’en aquelles escueles nes que s’amontara la matrícula aumente tamién l’axudicación de personal y que a igual númberu de matrícules o unidaes concedíes otorgar la mesma plantiya en cada centru.
– Que se tenga en cuenta que los neños y neñes conviven nuna mesma aula independientemente de si les sos xornaes son medies o completes.
– Que los centros se doten dende principiu de cursu con tol personal necesariu p’atender al alumnáu matriculáu.
– Que se faigan públicos los datos de matriculación de cada escuela según les llistes d’espera y les plantiyes provisionales que s’axudicaren.

Estes reivindicaciones puén sofitase mediante firmes nesti documentu