Home > Comunicaos > El profesoráu interino insta al Conseyeru a cumplir el mandatu del Parlamentu Asturianu

El profesoráu interino insta al Conseyeru a cumplir el mandatu del Parlamentu Asturianu

int_4El vienres 8 de abril de 2016, SUATEA convocó al profesoráu interín a una asamblea ne IES Alfonso II y a una posterior concentración a la puerta de la Xunta Xeneral del Principaáu. Estos actos convocáronse como continuación de las movilizaciones que ta faciendo’l colectivu pa que se reabra la negociación d’un nuevu Acuerdu de xestión y funcionamientu de les llistes de profesoráu interín d’Asturies.

L’Acuerdu actual pol que se regulen les condiciones de trabayu y el sistema d’ellaboración, xestión y funcionamientu de les llistes d’interinidá arreya directamente la nota obtenida nes oposiciones con eses llistes, que son reellaboraes y rebaremaes depués de cada oposición, lo que supón que’l profesoráu interín d’Asturies sufre la rotación permanente nel emplegu y la ausencia d’estabilidá, cosa que nun pasa en territorios vecinos, onde les llistes nun son rebaremaes y el profesoráu interìn tien daqué estabilidá.

Por esti motivu, nesti cursu. Los interinos y interines asturianos fixeron movilizaciones esixendo l’apertura de la negociación d’un nuevu Acuerdu de profesoráu interiín asemeyáu a la forma de xestión de llistes y la estabilidá d’otros territorios (Galicia, Cantabria, Euskadi, Andalucía, País Valencianu, etc).

La situación y les reivindicaciones del colectivu nun-yos cayeron embaxu a los partíos políticos y, el 19 de febreru de 2016, el Plenu de la Xunta Xeneral del Principáu aprobó una Proposición non de Llei (PNL), a propuesta de Podemos y sofitada polos grupos parlamentarios del Partíu Popular y Foro Asturias, y parcialmente por Izquierda Xunida y Ciudadanos, que pide a la Conseyería d’Educación abrir la negociación de un nuevu Acuerdu de profesoráu interín na nuestra Comunidá con un espíritu opuestu dafechu
al que ta en vigor anguañor. Esto significa de fechu que los partíos de la oposición deslexitimaron ya inhabilitaron l’Acuerdu de 2014, firmáu por FETE-UGT y ANPE, que vieno xenerando tantes protestes dell profesoráu interín asturianu.

Dende SUATEA, tenemos pidío abondes veces venos urxentemente col Consyeru d’Educación y tamién col Presidente del Principáu. Llamentablemente, nun fixeron casu nengún a los nuestros pidimientos, que son agora los de la mayoría del Parlamentu, como reflexa la PNL

Por too ello, l’asamblea de güei afala al Conseyeru d’Educación, Xenaro Alonso, a que cumpla esti mandatu del Parlamentu asturianu y abra la negociación d’un nuevu Acuerdu que respuenda a les reivindicaciones del colectivu.
Tamién adoptamos la decisión de que, mientres nun s’abra esta negociación, va siguise coles movilizaciones.

Esta entrada tamién se puede consultar en: Castellanu