SUATEA | Sindicatu Unitariu Autónomu de Trabayadores de la Enseñanza d'Asturies educación, asturias, educastur, oposiciones, enseñanza, marea verde, pública, escuela, colegio, instituto, interinos,
Esta entrada está disponible en: Castellano (Castellanu)
SUATEA Y LA CONFEDERACION DE STEs-i PÍDEN-Y A LOS GOBIERNOS AUTONÓMICOS QUE PARALICEN URXENTEMENTE L’APLICACIÓN DE LA LOMCE:
LA CONSEYERÍA D’EDUCACIÓN D’ASTURIES TIEN DE TOMAR YÁ UN DETERMÍN
Dao que’l MEC sigue ensin da-y respuesta a les desixencies de paralización de la LOMCE que se tán produciendo en tol Estáu y dende tolos ámbitos, SUATEA y la Confederación de STEs-i piden a los gobiernos autonómicos que dean respuesta urxente a la gran incertidume existente n’escueles y institutos y anuncien la paralización de la implantación d’esta llei, como pasu previo a la so derogación.
Depués de les elecciones del 24 de mayu, 12 de les 17 comunidaes autónomes tán o van tar gobernaes por partíos qu’espresaron el so refugu a la LOMCE, y estos gobiernos han dar respuesta darréu a les espectatives que llevantó la so oposición a esta llei, cosa qu’ensin dulda apurrió-yos apoyu electoral.
La gran mayoría de les comunidaes, ente elles l’asturiana, siguen ensin publicar los decretos de currículum d’ESO y Bachilleratu y, polo tanto, siguen ensin conocese de manera definitiva los horarios que tendrán les diferentes asignatures en 1º y 3º d’ESO y en 1º de Bachilleratu, a pocos díis de que l’alumnáu tenga que matriculase nestos cursos. Esto afecta a los cupos del Profesoráu que tien d’haber en cada centro, cupos que yá deberíen tar aprobaos pa proceder en pocos díis al nomamientu de les personas que correspuenda. N’Asturies los centros educativos tovía nun conocen la respuesta de la Conseyería a los cientos d’alegaciones presentaes polos equipos directivos.
El gobiernu central, personalizáu nel MEC, ensin persones al frente del mesmu, yá que la Secretaria d’Estáu d’Educación dimitió hai díis y el Ministru ta queriendo que lu cesen, ensin lexitimidá política pa siguir aplicando esta llei, ta amosando una irresponsabilidá absoluta, polo que les Conseyeríes d’Educación de les comunidaes autónomes tienen d’asumir de forma inmediata la so responsabilidá como xestores y responsables últimos del sistema educativo de caún de los sos territorios y anunciar nos sos respectivos ámbitos la paralización de l’aplicación de la LOMCE, acabando cola incertidumbe y malcontentu existente nos centros educativos.
El gobiernu asturianu tien la obligación de dar una respuesta a los centros educativos. En munches otres comunidaes, como ye’l casu de Castiella-La Mancha, Aragón o Cantabria ente otres yá se decantaron por paralizar la LOMCE en cuantes se formen los nuevos gobiernos salíos de les urnes. N’Asturies la Conseyería d’Educación debería tomar yá esa medida. Namás sina’l so refugu a la LOMCE veríase refrendáu por midíes que la comunidá educativa espera espectante.
Secretariáu d’Asturies de SUATEA-STEs
Uviéu 19 de xunu de 2015
Esta entrada está disponible en: Castellano (Castellanu)
