SUATEA | Sindicatu Unitariu Autónomu de Trabayadores de la Enseñanza d'Asturies educación, asturias, educastur, oposiciones, enseñanza, marea verde, pública, escuela, colegio, instituto, interinos,
Esta entrada está disponible en: Castellano (Castellanu)
El Plenu del Conseyu Escolar del Estáu toma en considerancia’l Dictame de la Comisión Permanente y propón cambeos al Anteproyectu de Llei Orgánica de la Ministra Celáa que va derogar la LOMCE.
La Confederación de STEs-i amuesa’l so prestu pola derogación de la LOMCE, un compromisu adquiríu pola mayoría parlamentaria y sofitáu pola mayor parte de la comunidá educativa, anque los tiempos nun fueren de nenguna manera abondos par garantizar un alderique tranquilu y una mayor participación. Somos críticos tamién énte la realidá de qu’hai partes de la LOMCE que siguen encaxaes nel Anteproyectu.
Los STEs-i, nes nueses 57 enmiendes, aporfiemos na necesidá de que sía la Educación Pública la vertebradora del sistema educativu, na necesidá d’afondar na democratización de los centros, l’oxetivu de consiguir la llaicidá del nuesu sistema educativu, como tien de corresponder a un Estáu non confesional y, de manera urxente, garantizar la coeducación nel mesmu, con tolo qu’ello implica, apurriendo a la rede pública los recursos materiales y humanos que necesita.
El Dictame de la Comisión Permanente foi tomáu en considerancia por mayoría absoluta con 56 votos a favor, 19 en contra y 19 astenciones. A lo último, votose l’Informe alternativu d’USO que llogró 22 votos a favor, 58 en contra y 4 astenciones.
Ganemos la enmienda 76 (tamién les enmiendes 73 y 74 de CIG y CEAPA), esaniciando’l cambéu introducíu pola Comisión Permanente que dexaba puramente en manes de les autoridaes relixoses la concreción del currículu, l’usu de llibros de testu y materiales didácticos na asignatura de Relixón.
Tamién se ganó la enmienda 83 qu’esaniciaba una observación de la Comisión Permanente qu’otorgaba al Gobiernu’l decidir sobro’l castellán nes CCAA.
A lo último, ganóse tamién la enmienda 432, pola que “En nengún casu, les resultancies d’estes evaluaciones (sobro evaluaciones esternes) van poder ser emplegaos pal establecimientu de clasificaciones nos centros”.
Munches enmiendes quedaron en tinteru, como la enmienda 438, que nun se ganó por 3 votos, onde ciscábamos qu’esta Llei viniera acompañada por una Llei de Financiamientu.
La LOMCE supunxo un retrocesu ensin precedentes nel nuesu sistema educativu, máxime cuando tuvo acompañada d’un drásticu amenorgamientu presupuestariu y d’un programa de retayos que paecíen tener como únicu oxetivu devaluar la educación pública, mientres se subvencionaba con dineru público a empreses privaes. Somos una de les organizaciones que forma parte de Por Otra Política Educativa. El nuesu oxetivu, poro, va ser consiguir esa educación que queremos: pública, llaica, diversa ya inclusiva. De toes y toos, pa toes y toos.
José Luis López Belmonte
Juana María Navarro Martínez
Emma Rodríguez García
Esta entrada está disponible en: Castellano (Castellanu)
