Home > Comunicaos > 5 d’ochobre, día internacional de les y los docentes.

5 d’ochobre, día internacional de les y los docentes.

Con motivu del día Internacional de la y del Docente, la Organización de Muyer de SUATEA quier incidir sobre l’importante papel que tenemos les y los docentes nel fomentu d’una educación n’igualdá para nenes y nenos, asina como nel respetu a les distintes identidaes de xéneru y orientaciones sexuales de cada persona.

Sigún la UNESCO, el grupu de xóvenes que nun sabe lleer nin escribir mengua, pero non la proporción de muyeres analfabetes. El fechu de que les muyeres en condiciones de probitú aprendan a lleer supon-yos una  inversión d’esfuerzu y de tiempu añedíu que nun tienen, porque nuna sociedá patriarcal estes muyeres tienen qu’asumir otres responsabilidaes que na so redolada priorícensen frente a la so educación y formación. Esta situación trai probitú, desigualdaes, empleos inestables y baxos xornales. Énte esti panorama los y les docentes tenemos una responsabilidá fundamental nel fomentu d’una educación n’igualdá y en facilitar l’accesu de toes y toos a la educación. Pa qu’esti círculu viciosu frene, ye necesario que toes aquelles personas que mos dedicamos a la docencia asumamos la gran responsabilidá que tenemos nes nuestres manos y que trabayemos pa favorecer la igualdá nes aules, ayudando a les nenes a acceder a la educación n’igualdá de condiciones que los nenos.

Nel Reinu d’España nos últimos años reculemos n’igualdá, como recueye l’informe CEDAW. Ente otros datos constátase’l retayu del 49% nel presupuestu del Estáu destináu a polítiques d’igualdá y del 23% na partida pa lluchar contra la violencia machista. Amás, les comunidaes autónomes reducieron de media un 32% el so gastu nesti ámbitu. A esta mengua de presupuestos súmase’l gastu público qu’ocasiona la financiación de les escueles qu’estremen por sexos, priorizando’l derechu d’elección de les families al de los y les nenes a ser educaos n’igualdá de condiciones.

 Tampoco se ta cumpliendo cola obligación de poner programes sobre igualdá nel sistema educativu. Ye más, el documentu sorraya que la nueva llei d’educación (LOMCE) non solo nun fai nenguna mención esplícita a ello, sinón qu’eliminó la única asignatura obligatoria que metía conteníos específicos. Otru datu destacáu ye que namás hai places públiques o privaes pa cubrir a tres de cada 10 nenos menores de tres años, lo que repercute directamente na incorporación de les madres al trabayu.

Por too esto dende la Organización de Muyeres de la Confederación Intersindical sumámonos a la campaña de la Internacional de la Educación, por una “Educación Pública de Calidá” y dicímos-y al Secretariu Xeneral de la ONU qu’apoye:

  • Una educación de calidá pa toes y toos.
  • La inclusión per parte de la ONU de la educación ente los oxetivos del Desarrollu depués del 2015.
  • Una campaña mundial pa la escolarización universal de les nenes.

http://www.5oct.org/2014/themes/default/images/WTD2014_advert1_spa%20(1).pdf

Al Gobiernu del Reinu d’España, desixómos-y que cumpla lo afitao na Llei Orgánica 3/2007, de 22 de marzu, pa la igualdá efectiva de muyeres y homes, no que cinca a educación:

  • Inclusión en currículos educativos del principiu d’igualdá ente homes y muyeres.
  • Refugu a conteníos y estereotipos que supongan discriminación ente homes y muyeres, con especial consideración en llibros de testu y materiales educativos
  • Desenrrollu de proyectos y programes que fomenten el conocimientu y la difusión del principiu de coeducación y d’igualdá efectiva ente muyeres y homes, incidiendo en poner Planes d’Igualdá en centros educativos.
  • Afitamientu de midíes educatives empobinaes al reconocimientu y enseñu del papel de les muyeres na Historia.

Asinamesmo, pidímos-y que na formación del profesoráu tanto inicial como permanente se dea prioridá a la formación n’igualdá como preséu básicu pa esaniciar la violencia de xéneru y el respetu a la identidá sexual de les persones.

Porque la educación de calidá pa toos y toes ye fundamental de cara a algamar una prosperidá económica sostenible y una sociedad xusta y igualitaria, amás de contribuyir a que cada persona podia desendolcar dafechu toles sos capacidaes.

¡FELIZ DÍA PA TOES Y TOOS!

Organización de Muyer de SUATEA

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4339

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4339