Pola meyora la Educación Primaria

Esta entrada está disponible en: Castellano (Castellanu)

1. Derogación de la LOMCE y de los currículos que se deriven d’ella.
2. Non a les evaluaciones de diagnósticu. Non a les reválides y los rankings de centru.
3. Rede de centros públicos abonda p’atender les necesidaes d’escolarización d’esta etapa educativa en toles zones.
4. Pol cumplimientu del alcuerdu de Plantiyes. Especialistes de Primaria pa les tutoríes, impartiendo docencia nel porcentaxe correspondiente según el nivel.
5. Adautación de los centros públicos a les necesidaes educatives: patios -axustaos a les normes de seguridá europees-ximnasios, materiales didácticos ya integración de los medios informáticos y audiovisuales nes aules. Eliminación de les barreres arquitectóniques. Creación y dotación d’aules específiques pa les distintes especialidaes: idiomes, música…
6. Reducción horaria: 18 hores de docencia directa como máximu pa tol profesoráu. Una persona especialista en Primaria por cada unidad escolar. Inclusión na plantiya d’educadoras/es sociales.
7. Aumentu de personal d’orientación educativa, garantizando’l cumplimientu del Decretu d’Orientación y meyorando la so capacidá d’actuación nos centros educativos con un númberu d’alumnáu menor de 400.
8. Dotación de profesoráu especialista a tiempu completu en tolos centros (Educación Física, Educación Musical, Llingües Estranxeres, PT, AL y Llingua Asturiana o Gallego-Asturiano nel so casu).
9. Aumentu d’hores de Llingua Asturiana o Gallego-asturianoigualándoles al restu d’árees llingüístiques.
10. Incorporación, n’horariu llectivu, de l’acción tutorial col alumnáu como elementu clave d’atención a la diversidá y pa les xeres de coordinación.
11. Ratios: 15 alumnos/es per aula. Hasta un máximu de 13 n’aules con alumnáu con NEAE y/o de compensación (máximu de dos por aula); 12, como máximu, n’aules con alumnáu de distintos niveles.
12. Non a la medría de ratios contemplada na LOMCE y nel RDL 14/2012.
13. Plan d’acoyida integrador pal alumnáu inmigrante que desconoza’l castellán y l’asturianu o‘l gallego-asturiano.
14. Non al enseñu de la relixón n’Educación Primaria.
15. Personal d’Alministración y servicios pa tolos Centros públicos.
16. Formación específica y continua pal profesoráu dientro l’horariu llaboral, dirixida a les nueves necesidaes educatives y contestualizada nes necesidaes del centru.
17. Impulsu de les midíes necesaries –programes, organización, formación del profesoráu- pa fomentar la coeducación y sensibilidá sobro’l valor positivu de la igualdá de derechos y oportunidaes ente muyeres y homes, y l’aprendizaxe de modelos sociales non sexistes.
18. Meyora de la enseñanza d’idiomes cola constitución de grupos reducíos, y ampliación de los intercambios escolares y de la presencia d’auxiliares de conversación con unes condiciones llaborales dignes.

Esta entrada está disponible en: Castellano (Castellanu)