Segunda convocatoria: Enguedeyar les coses

SUATEA LLAMENTA QUE LA SEGUNDA CONVOCATORIA D’INTERINOS NUN RESPUENDA A LES NECESIDAES RIALES DE LOS CENTROS EDUCATIVOS

La segunda ufierta de places d’interinidá de los cuerpos de profesoráu d’ESO, FP y el cuerpu de maestros publicada esti martes pola Conseyería d’Educación fainos denunciar que, anque paez arrogante en númberu de places, escuende deficiencies graves:

• La convocatoria nun respuende a les necesidaes riales de los centros, lo que supón qu’estos van tener problemes organizativos y d’asignación de tutoríes y especialidaes hasta un mes depués d’entamáu’l cursu, viéndose nesta situación de gran afectación dellos centros d’educación especial de la nuestra comunidá. Hai errores graves como qu’hebia places que que tovía nun se convocaron correspondientes ente otres a dispenses llaborales de les que l’alministración tien constancia cuantayá y que debíen tener salío yá na primer convocatoria.
• La precarización de les condiciones llaborales, coles altísimes tases de places ufiertaes a media jornada qu’en delles especialidaes perpasen en más del 70% les places convocaes. 
• La falta de tresparencia y comunicación tanto colos equipos directivos de los centros como coles organizaciones sindicales que faen que’l profesoráu desconoza cuáles pueen ser les sos condiciones llaborales frente a les places ufiertaes.
• Ye urxente una convocatoria la selmana que vien pa cubrir les places que tovía tán vacantes, y que faen falta pa favorecer l’aniciu de cursu en condiciones de calidá. 

Saludamos, non ostante, la reposición del profesoráu d’atención a la diversidá (PTs y ALs) que veníen echando estos cursos de manera sistemática de les plantiyes de los centros, dexando l’atención al alumnáu más vulnerable ensin los recursos amañosos.

 Secretariáu de SUATEA

 Uviéu, a 16 de setiembre de 2021