Home > Comunicaos > Cumplir compromisos electorales: derogar la LOMCE y acabar colos retayos

Cumplir compromisos electorales: derogar la LOMCE y acabar colos retayos

Tres los resultaos de les Elecciones Xenerales SUATEA repite la so esixencia de derogación de la LOMCE y la paralización de la so implantación. Ye un compromisu esplícitu adquiríu pola mayoría de los partíos políticos si’l PP nun llograba mayoría absoluta.

Los resultaos fueron claros y los compromisos previos tamién. Por ello, una de les xeres más importantes del nuevu parlamentu que se va constituyir el próximu xineru va ser la d’abordar con calter inmediatu la paralización de la Llei y la so derogación.

Tienen que ser abordaos dende un nuevu prisma cuestiones tan importantes como la vuelta tras de los retayos qu’afecten a la escuela pública, la supresión de les normes qu’aumentaron la carga horaria del profesoráu y les xeres a desenvolver y el futuru agora inciertu de los miles de docentes interinos.

Por ello, tantu nel ámbitu estatal como nel asturianu, ye preciso adoptar midíes urxentes que contribuyan a evitar los efectos destructores de la LOMCE. Ye imprescindible aplazar les reválides que’l so mecanismu perversu contra l’alumnáu ta yá en marcha. Tamién se debe paralizar con calter inmediatu la obligatoriedá de la realización de les nueves programaciones tantu en Primaria como en Secundaria, estableciendo una moratoria pa la realización de les evaluaciones al alumnáu, de manera que s’aplique la normativa anterior a la entrada a valir de la LOMCE.

Ye un compromisu que les fuerces polítiques, que güei son mayoritaries tres les elecciones, adquirieron cola ciudadanía. Na axenda política este tien de ser unu de los primeros asuntos a encetar pos de nun faelo asina, el perxuiciu pa millones de neños y neñes y pal profesoráu sería inmensu.

Uviéu, 21 d’avientu de 2016

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3743

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3743