Home > Muyer > Calandariu de muyer > Tiempu de muyeres y muyeres nel tiempu

Tiempu de muyeres y muyeres nel tiempu

Calandariu de la Muyer 2015Bon día, munches gracies por asistir a la presentación de la edición númberu 11 del calandariu “Tiempu de muyeres y muyeres nel tiempu” dedicáu a les creadores d’opinión.

Dende la Organización de Muyeres de SUATEA agradecémosvos la vuestra asistencia a la presentación del nuestru calandariu.

Esti calandariu da encontu a una propuesta educativa pa trabayar la coeducación nos centros educativos de tol estáu. Surdió con un oxetivu y un envís concretu: Reconstruyir la historia incompleta conocía y tresmitida tanto en llibros de testu, curriculum educativu, formación personal del profesoráu y alumnáu pa, a partir d’ella, visibilizar énte la comunidá educativa les aportaciones de les muyeres de tolos tiempos a la historia, l’arte, la ciencia, el conocimientu, la xusticia social, les cuales se-yos negaron y se les privó del reconocimiento que merecen pol saber androcéntricu de la nuestra cultura.

Por eso, recuperamos los sos nombes, les sos vides, les sos histories y les sos aportaciones, y a partir d’estes, proponemos una necesaria reflexón critica que contribuya a la tresformación del imaxinariu colectivo, del formatu d’estereotipos de xénero que tovía güei siguen asitiando a les muyeres fundamentalmente nel ámbitu de la dependencia y na subordinación y que perpetúen llaceries como la violencia de xéneru  na nuestra sociedá.

Esti calandariu siguiendo les pautes confederales de respetu a la diversidá llingüística, edítase en toles llingües oficiales na Confederación Intersindical, incluyendo l’asturianu, y anque per dellos años, aquellos onde la coeducación y la igualdá de xéneru yeren valoraes pol gobiernu, recibió ayuda económica del Institutu de la Muyer, desde hai dellos años finánciase dafechu pola Confederación Intersindical a la que pertenez SUATEA y espárdese per tolos centros educativos del estáu de baldre, y nes últimes ediciones  amás en múltiples centros de trabayu,  qu’en conociéndolu, quiérenlu.

Una parte fundamental del calandariu son les actividaes propuestes, organizaes por etapes y ciclos y dándo-y siempre atención a la diversidá del alumnáu. Por eso trabayamos con distintos materiales, recursos y metodoloxíes.

Esti calandariu permítemos trabayar nel aula a lo llargo d’un añu coles efemérides, polo menos, de 365 muyeres  distintes y les sos aportaciones de muyeres. Da pie a conocer y conmemorar fechos y díis que fueron enforma significativos na llucha pola igualdad, el respetu a la diversidá sexual y la identidá de xéneru, y foméntanos l’apreciu pola paz, la solidariedá, los derechos humanos, y el refugu a la violencia contra les muyeres, de toa triba, d’donde venga.

Tiempu de muyeres, mujeres nel tiempu 2015, recueye les aportaciones de 36 muyeres que formen parte del mundu de la comunicación y de la información, un ámbitu esti especialmente masculinizáu pero nel que y dende distintos medios elles comparten y participen nesi llamáu 4º poder que tien la capacidá de mover mases, tresformar conciencies, y crear opinión, daqué tremendamente importante.

Facemos un percorríu pela historia del periodismu empecipiando peles pioneres

CLASIFICACIÓN

PERIODISTES

1.Pioneres

FRANCISCA DE ACULODI

JOSEFINA CARABIAS

CARMEN DE BURGOS

2.Transición

PILAR NERVION

VICTORIA PREGO

SOLEDAD ÁLVAREZ-COTO

3.Analistes polítiques

ANA ISABEL DIEZ

SOLEDAD GALLEGO-DÍAZ.

ROSA MARIA ARTAL

4.Coetánees

MARÍA ESCARIO

MAMEN MENDIZABAL

ANA PASTOR

5.Corresponsales

ROSA MARÍA CALAF

CARMEN SARMIENTO

ALMUDENA ARIZA

6.Blogueres

CORAL HERRERA

MONSERRAT BOIX

BEATRIZ GIMENO

7.Periodismu cultural 

MARGALIDA CAPELLA

PILAR MIRÓ

ROSA MORA

8.Activistes:

CADDY ADZUBA

ELENA PONIATOWSKA AMOR

LIDIA CACHO

9.Radio:

PEPA BUENO,

GEMMA NIERGA

ANGELS BARCELO

10.Televisión 

MARA TORRES,

ROSA MARIA MATEO

CONCHA GARCIA CAMPOI

11.Columnistes

NAZANIM ARMANIAM

MARUJA TORRES

NURIA VARELA

12.Escritores:

ALMUDENA GRANDES

ANGELES CASO

ROSA MONTERO

Nun primer momentu propunximos trabayar con 24 muyeres pero dada la calidá de les existentes y el problema d’elixir a unes sobre otres incluyimos a estes 36, caúna por una motivación particular.

Nesti calandariu recuéyense l’esfuerzu y el trabayu de toles muyeres que formaron y formen la Organización de Muyeres de la Confederación Intersindical, pero tamién ta parte del alma d’un home, Mario, el nuestru maquetador, que añu tres añu garró cola so especial sensibilidá la idea que queríemos tresmitir y fue quien a ponela en cada calandariu. Nel casu d’Asturies l’home que garró l’espíritu del calandariu y les sos actividaes foi el nuestru compañeru Faustino, que s’encargó de la traducción de les tres últimes ediciones.

El calandariu nun ye una xera más de l’acción sindical. Nél recuéyese un pruyimientu común, formar al alumnáu de tol estáu nuna ética de la igualdá, nel respetu a la diversidá y la diferencia, nel apreciu a la presencia y aportaciones que la otra mitá de la población, les muyeres, les compañeres d’al llau, les que tán más lloñe y nós mesmes tienen y tuvimos nel devenir del pasáu, del presente y del futuru. El calandariu convirtióse nuna seña d’identidá d’esti sindicatu.

Gracies a toles persones qu’apoyen la ellaboración d’esti material porque imprímenmos enerxía y refuercien el nuestru comencimientu de que la coeducación ye un preséu fundamental pa tresformar l’ideariu y la implicación de futures xeneraciones, pa que la igualdá ente xéneros nun seya solo una palabra políticamente correcta, cuestionada munches veces, sinón una realidá superada. Siguimos trabayando por ello.

Gracies a quien contribuyís a esparder esti trabayu porque col vuestru llabor conseguís esparder la importancia de la coeducación y la nuestra llucha por algamar un mundu más igualitariu.

Ye tiempu de muyeres, porque les muyeres tamos nel tiempu

Calandariu de la muyer n’ISSUU: [asturiano] [catalán Baleares] [catalán Valencia] [castellano] [Gallego]

Esta entrada tamién se puede consultar en: Castellanu