Xuba adicional del 0,5%

El pasáu miércoles, 11 d’ochobre, la Mesa Xeneral de l’Alministración del Principáu d’Asturies aprobó la medría del 0,5% previstu nel artículu 19 de la Llei 31/2022, de 23 d’avientu, de Presupuestos Xenerales del Estáu para l’añu 2023.

La Conseyería d’Educación del Principáu d’Asturies comprometióse a abonalo d’oficiu na nómina del mes d’ochobre a tol profesoráu qu’emprestara los sos servicios nel Principáu d’Asturies.

Sicasí, nel casu de non faese efectivu na nómina d’ochobre, encamentamos solicitalos según se recueye nel Resolvimientu de 5 d’ochobre de 2023, de la Secretaría d’Estáu de Presupuestos y Gastos (BOE 06/10/2023).

Asina mesmu, el profesoráu qu’emprestara los servicios n’otra CC.AA. tien d’informase del venir de caúna d’elles o bien solicitalos según dicho Resolvimientu.

INCREMENTU RETRIBUTIVU ADICIONAL DEL 0,5 %

Resolvimientu de 5 d’ochobre de 2023, de la Secretaría d’Estáu de Presupuestos y Gastos  (BOE 06/10/2023)

1. Personal que nun camudara de destín mientres el períodu entendíu ente’l 1 de xineru de 2023 y l’últimu día del mes anterior al del pagu de los atrasos: liquídase d’oficiu.

2. Personal que camudara de destín dientro del sector públicu estatal mientres el períodu entendíu ente’l 1 de xineru de 2023 y l’últimu día del mes anterior al pagu de los atrasos: van abonase previu pidimientu del comenenciudu o comenenciuda a la Conseyería na qu’emprestó los servicios.

3. Situaciones distintes a les de serviciu activu: Respectu al personal que nun s’atopara en situación de serviciu activu o asimilada: van abonase previu pidimientu del comenenciudu o comenenciuda a la Conseyería na qu’emprestó los servicios.

Modelu de solicitú

Amiesto (Nel casu d’Asturies, dirixir a la Conseyería d’Educación del Principáu d’Asturies – Dirección Xeneral de Personal Docente) va procurase que la presentación de solicitúes y les comunicaciones ente los órganos de l’Alministración a que dean llugar les actuaciones previstes nestes Instrucciones sían realizaes por aciu procedimientos electrónicos.

Más información: https://boe.es/boe/dias/2023/10/06/pdfs/BOE-A-2023-20699.pdf