Teletrabayu nun ye conciliación

                                     Teletrabayu nun ye conciliación

El teletrabayu espardióse abondo cuando’l confinamientu como alternativa al trabayu presencial. Esti trabayu facémoslu los sectores mayoritariamente feminizaos: servicios d’atención al cliente, trámites alministrativos o enseñanza.

El teletrabayu foi nel estáu d’alarma una ferramienta pa mantener a flote’l sistema capitalista y non pa riesgos nos trabayos esenciales.

De forma paralela, les muyeres tuvimos que siguir cuidando a persones dependientes, allongando les nueses xornaes llaborales faciendo xeres de nueche y flesibilizando orarios, de manera tala que la disponibilidá total vuélvese norma.  Atopámonos, entós con una nueva realidá: el teletrabayu foi añadíu al trabayu de cuidos que mayoritariamente asumimos les muyeres.

En vez de ser  una clas de trabayu que permite la corresponsabilidá de los cuidos,  sobreesplota les muyeres y conlleva efeutos graves pa la nuesa salú: estrés, depresión por aislamientu y alteración de los biorritmos ente otros.

El teletrabayu punnxo otra vuelta n’evidencia la desigualdá ente trabayaores: non toles cases tán equipaes no que cinca a espacios, dispositivos o conexón a internet.

Tamién, y esto hai que lo destacar, supón una merma del aspeuto rellacional y de socialización del trabayu, torgando’l contautu con otres compañeres y compañeros: de esta manera mérmase la fuercia la fuerza de la unión pa lluchar contra les discriminaciones llaborales y los convenios precarios.

Demostróse nel estáu d’alarma que’l teletrabayu NON ye una ferramienta de conciliación como’l trabayu  tampoco nun lo ye.

Ye menester una regulación que garantice los derechos de les trabayadoras y la corresponsabilidá colos cuidos. Dende’l Nodo Feminista del  Plan de Choque Social esiximos qu’esista un plan de continxencia al respective’l teletrabayu per parte les instituciones cuando nun se puea furrular con normalidá y que se ufran centros de día, redes institucionales de cuidos p’atender a menores, actividaes formatives y aiciones que garanticen la conciliación familiar y llaboral.

Los acuerdos y convenios d’empresa deben garantizar horarios adecuaos de teletrabayu, como lo hacen col trabayu presencial. Si esto nun pasa, vamos siguir tando a la entera disposición de la nuesa empresa, nuna forma nueva d’esclavitú: esclavitú telemática.

Teletrabayar supón, en munchos casos, tener qu’ampliar xornada. Polo tanto, p’atender les xeres de casa y de cuidos precisaráse contratar a daquién. Esa persona tamién deberá tar en situación regular amparada pola ratificación del conveniu 189, xera pendiente del estáu español coles persones trabayadores doméstiques (véase campaña: https://bit.ly/Convenio189OIT)

Les muyeres tenemos muncho que dicir al respective d’esta cuestión pa que otra vuelta, nun se mos esplote ya invisibilice.

Organización de muyeres de la Confederación Intersindical 22 de xunu 2020