SUATEA opónse a la celebración d’actos de calter militar

Dende’l Sindicatu Unitariu Autónomu de Trabayadores de la Enseñanza d’Asturies (SUATEA) queremos amosar el nuestru rotundu refugu a la celebración d’actos d’índole militar nos centros educativos, tres facese públicu que’l próximu vienres 10 d’ochobre la Escuela Pública San Lázaro–Escueles Blanques d’Uviéu tien previsto un izáu de bandera onde va participar l’alumnáu d’Infantil y Primaria.

Consideramos que l’organización d’esti tipu d’eventos de calter marcial con presencia del Exércitu  y apoloxía del militarismu nun tien de tener cabida nes nuestres escueles nin institutos y qu’esisten meyores maneres de fomentar el respetu y la convivencia. Dende SUATEA creemos firmemente que los centros escolares han d’organizar actividaes que promuevan el pacifismu y el respetu a los derechos humanos, y non actividaes rellacionaes cola guerra.