SUATEA | Sindicatu Unitariu Autónomu de Trabayadores de la Enseñanza d'Asturies educación, asturias, educastur, oposiciones, enseñanza, marea verde, pública, escuela, colegio, instituto, interinos,
Esta entrada está disponible en: Castellano (Castellanu)
El IES de La Florida, que s’anunció como una de les obres estrella del Principáu, llega con retrasu y con munchos defectos, según denuncia’l profesoráu del centru. El SUATEA yá denunció nel so día que l’institutu quedaba pequeñu antes de la so inauguración; La Florida ye una zona en constante espansión, y la consecuencia lóxica de que de que’l centru quede pequeñu ye que se va siguir calteniendo’l negociu de la mal llamada enseñanza concertada na zona norte de la ciudá: pagar con dineru público mientres s’esbardia la oportunidá d’ufiertar más places nun institutu de recién creación.
La mesma alministración reconoz que, dempués de gastar 8,8 millones d’euros, inauguraron un centru que nun tien llaboratorios equipaos, wifi nin conexón telefónica. El profesoráu va tener que siguir usando los sos propios datos móviles si quier conectase a internet, que nel meyor de los casos va tar disponible pal mes d’ochobre, nun centru que presume de tar a la úlitma en dotaciones dixitales.
El SUATEA va participar y sofitar toles movilizaciones que se convoquen y anima a tola comunidá educativa a sumase a l’asamblea de profesoráu convocada pa esta selmana.
A lo último, preguntamos si esti va ser el modelu a siguir. ¿Vamos tar dientro d’un añu denunciando la mesma situación nos futuros institutos de La Corredoria y Cangues d’Onís?
Esta entrada está disponible en: Castellano (Castellanu)
