Solidaridá coles compañeres zarraes de Cantabria

Dende SUATEA queremos espresar la nuesa solidaridá coles compañeres de la Xunta de Personal Docente de Cantabria , que , en calificando d’insultu la “nun propuesta” de negociación que -yos treslladó el Conseyeru d’Educación, decidieron siguir el so encierre .

Les compañeres del STEC tresmítennos que’l Conseyeru, Sergio Silva , non se dignó siquier a axuntar a la Xunta de Personal Docente pa siguir la negociación salarial hasta el pasáu vienres 22, tres trés díes d’encierre nel que les y los delegaos sindicales tuvieron que sufrir condiciones llamentables: por casu, llindóse-yos l’accesu de comida al edificiu , según la so capacidá de movimientu , en llugar de tratar de resolver el conflictu llaboral empecipiáu . Amás, tresmitióse a los compañeros docentes que nun se -yos va a dar nin un solu céntimu hasta l’añu 2026.

La Xunta de Personal Docente decidió caltener l’encierre hasta que’l Conseyeru presente una propuesta real, con unes cantidaes concretes detallaes y con un calendariu d’execución que tien d’empezar en 2025.

Ye por tou esto que queremos mandar tol ánimu a les compañeres y compañeros que permanecen zarraos reivindicando daqué tan básicu como xuna negociación salarial real. Animamos amás a tola ciudadanía a allegar a la concentración que va tener llugar el próximu 27 de payares a les 18 hores frente a la Conseyería d’Educación, en Santander.