SUATEA | Sindicatu Unitariu Autónomu de Trabayadores de la Enseñanza d'Asturies educación, asturias, educastur, oposiciones, enseñanza, marea verde, pública, escuela, colegio, instituto, interinos,
¡Cuidáu coles pagues estres!
Dende SUATEA queremos aclarar la confusión xenerada en redes y medios sobre la reciente sentencia del Tribunal Supremu respectu a les pagues estraordinaries.
La sentencia, que se refier a la Policía Llocal de Vigo, diz que los complementos y pluses que se cobren con regularidá (como turnicidá, nocturnidá, festivos…) deben incluyise nel cálculu de las pagues estra. Nun fala del sueldu base nin de l’antigüedá.
En territorios como’l País Valencià nun se computen nes estras nin los sexenios nin ciertos complementos específicos. N’Asturies, por embargu, sí s’inclúi nes pagues estra too: sexenios, cargos… sacantes el llamáu “complemento de evaluación”.
Y equí ta’l trucu: n’Asturies esi “complemento de evaluación” NUN ye tal, sinón un complementu de productividá, que s’abona en 12 mensualidaes y nun s’inclúi nes pagues estra. Polo tanto, y tres consultar colos nuestros servicios xurídicos, creemos que nun hai base xurídica abonda como pa presentar reclamaciones individuales nesti momentu. Sicasí, siguimos estudiando’l casu, y vamos avisar inmediatamente si atopamos manera de qu’haya una reclamación con posibilidaes reales de recorríu xurídicu.
Si entá asina queréis reclamar, ye fácil: presenta un “Espón-Solicita” xenéricu pidiendo “la revisión del cálculu de les pagues estraordinarias pa que se valore la inclusión del complementu de productividá docente (la “Evaluación docente”) nos últimos cuatro años”. Puedes topar la solicitú nel siguiente enllaz:
https://miprincipado.asturias.es/ast/-/dboid-6269000102616541907573
Nun vamos alimentar el caos nin el ruiu nuna “carrera sindical” que nun tien xacíu y xenera un estrés que creemos innecesariu. Lo que necesitamos ye xusticia retributiva pal profesoráu, non parches nin más confusión.
Dende SUATEA vamos siguir denunciando les trampes del complementu de productividá (la evaluación docente) y esixendo condiciones llaborales xustes pa tol profesoráu. P’acabar, animámoste a que sigas la campaña que llevamos años faciendo dende la Confederación Intersindical pola recuperación de les pagues estra:
https://intersindical.es/category/campanas/derechos-laborales-campanas/recuperacion-pagas-extraordinarias/
