SUATEA | Sindicatu Unitariu Autónomu de Trabayadores de la Enseñanza d'Asturies educación, asturias, educastur, oposiciones, enseñanza, marea verde, pública, escuela, colegio, instituto, interinos,
Esta entrada está disponible en: Castellano (Castellanu)
El Conseyeru d’Educación comprometióse a entamar un procesu de debate na Comunidá Educativa énte la propuesta d’un cambiu de modelu nel calendariu escolar que, a iniciativa de la Xunta de Personal, presentóse a l’Alministración el cursu pasáu.
Les OO.SS. que constituyimos la Xunta de Personal tenemos ellaborao una propuesta qu’apurrimos al conxuntu del profesoráu, pa información nos claustros de profesores de los centros.
- Esta propuesta de calendariu consta de 177 días llectivos, de los que después descontaríense les dos fiestes locales. Son exactamente los mesmos que col modelu de calendariu actual.
- Los díes llectivos repártense en cinco períodos con un descansu mínimu d’una selmana ente ellos.
Las ventaxes d’esti modelu de calendariu son éstes:
- Los períodos llectivos actuales marcaos por trimestres son desproporcionaos, y varien fácilmente ente 51 y 70 díes. Con esta propuesta queden acuriosaos de forma equilibrada, faciendo una distribución de los tiempos más racional.
- Esta homoxeneidá respuende principalmente a criterios pedagóxicos. Aprovéchense les fiestes estatales y autonómiques pa facer una redistribución qu’alterne los períodos de trabayu y d’estudiu, colos descansos. Esta organización de los tiempos supón menos cansanciu pal alumnáu nos característicos finales de trimestre y ayuda a meyorar el rendimientu académicu, asina como afayar y racionalizar les actividaes llectives, con tolos beneficios qu’eso trai con ello.
- Esta propuesta nun implica disminución nenguna del númberu de xornaes d’actividá escolar, polo que nun va repercutir negativamente na conciliación familiar y llaboral de les families.
Paeznos importante precisar que:
La consideración de períodos non llectivos ye d’aplicación igual pal alumnáu que pal profesoráu. Como Xunta de personal, nun vamos aceptar qu’esti cambiu de modelu nel calendariu suponga un aumentu de los díes llaborables, nin cambios nes nuestres funciones como docentes nin nengún empeoramientu de les condiciones de trabayu qu’agrave tovia más la nuestra situación depués de los retayos de plantiyes, les ampliaciones d’horariu, la disminución del salariu y el restu de retrocesos sufríos nos últimos años.
SUATEA convida a tol profesoráu asturianu a que nos faiga llegar la so opinión sobre esta propuesta de calendariu pentemedies del nuestru corréu electrónicu: suatea@suatea.org
Esta entrada está disponible en: Castellano (Castellanu)
