“Premios Ejército”: otra oportunidá perdía

L’Estáu Mayor del Exércitu español dispón un total de 13.500 € en premios a centros educativos que participen nel concursu “Premios Ejército” del añu 2026, na disciplina “Enseñanza escolar”, como podéis consultar na publicación d’Educastur que lo difunde.

D’esta forma, inviten al alumnáu de tol estáu a realizar trabayos en forma de testos, vídeos, dibuxos, maquetes… qu’afonden na “historia del Ejército de Tierra y sus componentes”, sus “misiones internacionales”, sus “héroes y hazañas” o sus “tradiciones y virtudes”. Los centros que decidan participar van tener llibertá pa centrar los proyectos na efeméride del añu, “la contribución militar española a la independencia de los EEXX d’América” o en “cualquiera de las múltiples actividades del Ejército de Tierra español”.

Podría tratase d’una oportunidá pa que les escolines y escolinos investigaren con una visión crítica la hestoria militar y colonial española, pero nun paez qu’esi sea l’enfoque. En cuenta fomentar la cultura de la paz y la resolución pacífica de conflictos, como afita la normativa vixente, dedíquense asina a premiar el fervor castrense ente l’alumnáu de Primaria, Secundaria y Educación Especial.

SUATEA siempre col antimilitarismu.