Pactu Asturies Educa y nómina de xineru 2026

🎯 Ufierta de places de PT y AL | Pactu Asturies Educa

📢 Mañana, martes 27 de xineru, van publicase nueves places pal profesoráu interín de Pedagoxía Terapéutica (PT) y Audición y Llinguaxe (AL):

🔹 28 xornaes completes y 19 medies por especialidá
🔹 Amestaránse próximamente places d’ampliación de xornada
🔹 105 centros van recibir recursos de PT
🔹 95 centros, recursos d’AL

📝 La Conseyería fizo yá un analís de necesidaes p’asignar estos apoyos.

NOTA INFORMATIVA:

Les places que van sumase por ampliación nun salen a convocatoria en primera instancia. Precisamente por ser ampliaciones, ofrézse-yos a les persones que tán trabayando a media xornada ampliar la so plaza a xornada completa. Les ampliaciones de les persones qu’acepten nun van llegar a salir, y les de les persones que nun acepten sí que van salir a convocatoria.

Les que falten hasta 60 van salir en futures convocatories, pero nun nos confirmen tovía si va a ser la selmana qu’entra.

Recordamos que lo que se firmó fue una ampliación de la plantiya orgánica, y esto ye una ampliación provisional que nun determina cuáles van a ser les places que van salir a futuru. L’oxetivu ye cubrir durante lo que queda de cursu les necesidaes más urxentes que detectaren. Depués de la negociación en mesa sectorial de plantiyes (sobre abril), va determinase qué places completes se van incorporar a partir de setiembre. Estes deberíen coincidir coles 60 pactaes pa la primera tanda, a falta d’incorporar otres 90 en cada especialidá, como recueye’l Pactu.

A lo último, ye importante que sepáis qu’esta asignación “definitiva” a partir del próximu cursu va facese yá en base al nuevu decretu d’equidá, del que va tar llistu’l borrador en febreru, y que previsiblemente se va usar pa negociar eses plantiyes, porque va a establecer, ente otres coses, dotación básica de los centros, amás de los criterios d’asignación.

💰 Complementu retributivu de 100€

Al tramitase en paralelu a la xuba estatal de tol funcionariáu, aplicóse sobre una nómina antigua (payares de 2025) que entá nun incluyía la xubida del 2,5 % del IPC. Anque la nómina de xineru sí que medra en 100 €, hai un desfase d’unos 15 € debíu al complementu base tomáu como referencia.

👉 Educación comprométese a correxilo nes próximes nómines con calter retroactivu.

Dende SUATEA vamos siguir pendientes de que se cumplan tolos compromisos.