Oposiciones 2022 – Conceyu Conseyería-OOSS

Tres la xunta caltenida esta mañana ente la Conseyería y les OOSS de la Xunta de Personal informamos de lo tratao y de les nueses propuestes.

Güei, 29 d’ochobre, celebróse una xunta ente les OOSS y l’Alministración pa tratar les correcciones al
Resolvimientu de la convocatoria d’oposiciones del Cuerpu de Maestros.

Como sabéis, la Conseyería publicó por sorpresa, ensin comunicalo nin siquier a les Organizaciones Sindicales, el Resolvimientu de convocatoria d’oposiciones el pasáu 8 d’ochobre, pero comprobemos y alvertimos que contenía dellos erros. Reconocíos estos per parte de la Conseyería, esta mañana celebró una xunta pa correxir
erros y publicar un nuevu borrador de Resolvimientu.
Los cambeos más relevantes al respective del primer Resolvimientu afecten a que la convocatoria va realizase pol
RD 276/2007 en llugar del Real Decreto 84/2018, de 23 de febreru, que regulaba’l réxime transitoriu d’accesu.
Esto supon dellos cambeos, qu’en tolos casos empioren les condiciones d’accesu pal profesoráu interín:

• Sortéu de temes teóriques: 2 boles (en llugar de 3)
• Esperiencia docente: un máximu de 5 puntos. van computase un máximu de 5 años d’esperiencia docente en
  llugar de 10.
• El valor de la fase d’oposición va ser 2/3 y la fase de concursu, un 1/3. Nel Réxime transitoriu yera 60% la fase d’oposición y el 40% la fase de concursu.

N’otru sentíu, hai novedaes al respective de el primer Resolvimientu:

• El máster de profesoráu de Secundaria va ser computáu como méritu por non ser requisitu pal Cuerpu de Maestros.
  .
• van establecese venti díes de plazu de presentación d’instancies a cuntar desque termine’l plazu establecíu nel
  primer Resolvimientu

Ver documentu completu de resumen y valoraciones