Nota informativa: sentencia sobre xefatures de departamentu

Esta entrada está disponible en: Castellano (Castellanu)

El profesoráu qu’exerza la xefatura de departamentu y tea a media xornada tien derechu a cobrar el complementu íntegru de Xefatura de Departamentu

Según delles sentencies conocíes recién de los Xulgaos de lo Contencioso-Alministrativo de Xixón y d’Albacete, aquel profesoráu que desempeñe dafechu la Xefatura de Departamentu tando contratao a media xornada o con amenorgamientu de xornada (anque fuera d’un terciu) tien derechu a cobrar íntegramente el complementu específicu, yá que lleva a cabu toles xeres del cargu y non la metá de les mesmes.

Acordies conles citaes sentencies, la Conseyería d’Educación asturiana vien aplicando, enquivocándose, el pagu prorrateáu del complementu de Xefatura de Departamentu a aquel profesoráu que desempeña estos llabores tando a media xornada. Correspuénde-yos, sicasí, el complementu íntegru, al desenvolver toles xeres del cargu igual qu’otru funcionariu docente con xornada completa y tener les 3 hores complementaries d’amenorgamientu por xefatura.

Esta aclaración ye d’especial interés tanto pal profesoráu a media xornada o con amenorgamientu de xornada que s’alcuentre nesta situación, como pa funcionariáu interino que sustituya a xefes de departamentu y realice les sos funciones (siempres que se recueyan les mesmes nel so horariu llaboral).

Pa más información, nun duldes en consultanos.

Esta entrada está disponible en: Castellano (Castellanu)

Check Also

Direcciones unipersonales: midíes insuficientes y ensin consensuar colos afectaos nin colos sindicatos

Esta entrada está disponible en: Castellano (Castellanu) Ayeri la Conseyería d’Educación presentó lo que lllamen …