Negociación Ministeriu d’Educación – tercer borrador

La Confederación de Sindicatos de Trabayadores de la Enseñanza – Intersindical (STEs-i), a la que pertenecemos SUATEA, participó na tarde d’ayeri na sesión de negociación nel Ministeriu d’Educación sobre’l Grupu 4 “Condiciones del desempeñu docente (xornada; ratios, apoyos pa necesidaes específiques, desburocratización)”, que desendolca la Disposición Adicional 7ª de la LOMLOE.

REIVINDICACIONES DE STEs-i:

• Que nos devuelvan lo que nos quitaron –reversión de los recortes– pa poder falar de meyores.
• Incrementu salarial, polo menos pa recuperar el poder adquisitivu perdíu.
• Xubilación “LOGSE” -a los 60- pa tol profesoráu.
• Fiar en normativa básica unes ratios y hores lectives máximes, asina como los meses necesarios pa cobrar el veranu del personal interín.
• Integración de tol profesoráu nel A1.
• Posibilitar contrataciones añales de personal interín anque encadenen sustituciones.
• Reducciones horaries a mayores de 55 años.
• Reducir la burocracia, sobremanera la de les evaluaciones.
• Aumentar la flexibilidá de tal forma que la oferta pública responda rápido a la demanda de places: primer ciclu Infantil, FP, máster d’Educación, …
• Llexislar contra’l zarru d’unidaes públiques que entren en competencia coles concertaes.
• Ameyorar los recursos p’atención a la diversidá.
• Unes oposiciones xustes y oxetives.

Tenéis toda la información completa en https://www.stes.es/el-ministerio-presenta-un-tercer-borrador-con-pocos-cambios-dandolo-praticamente-por-finalizado/