Movilización 31M: más necesaria que nunca

Dende SUATEA creemos que, si yá había más razones que nunca pa salir a la cai esta tarde, los acontecimientos de les últimes hores nun faen más que sumar motivos pa la movilización.

Tenemos claro que la única razón pola que la Conseyera anuncia estos caramelinos, como lo prometío ayeri a respeutive de la supuesta negociación pa consiguir les 23 hores nel Cuerpu de Maestros, ye frenar la movilización de la comunidá educativa. Inclusive, paez dar la razón implícitamente a los que mos acusen de tar “echaos al monte” por salir a pidir al pie de les AMPAS lo que llevamos décades pidiendo.

Recordamos qu’en víspores de l’anterior movilización, Conseyería decidió anunciar otros dos caramelinos: la unificación de precios del comedor escolar a 4.5€ a partir del próximu cursu, y l’ufierta d’asturianu y eonaviego nel segundu ciclu d’Infantil. Una vegada más, promeses de les que nun volvimos a saber nada.

El profesoráu asturianu pue tar arguyousu de que toes estes midíes arrancámos-yles gracies a les movilizaciones. Sicasí, tán bien lloñe de lo que llevamos años pidiendo: la propuesta de les 23 hores, por casu, escarez de concreción y llíndase a una promesa a llevar a cabu a lo llargo de la llexislatura. De toles demás, nada sabemos.

Pela nuesa parte, tenemoslo claro: Conseyera, acabósete’l creitu. Necesitamos promeses concretes y feches p’axustar. Lo demás ye publicidá engañoso.

NOTICIES:
LNE –
El Comercio –
La Voz de Asturias