Manifiestu 25 payares

¡YÁ TA BIEN DE TERRORISMU MACHISTA!

Yá son más de mil les muyeres asesinaes dende l’añu 2003, añu nel que s’entamó a recoyer datos sobre violencia de xéneru, y son 45 les muyeres asesinaes no que va d’añu. Estos datos namás recueyen los asesinatos cometíos pola pareya o expareya. Si recoyemos las datos de violencia machista, o seya, asesinatos d’homes hacia muyeres pol fechu de ser muyeres, esos datos dispárense hasta duplicar la cifra.

Esto quier dicir qu’hai mas de mil homes asesinos qu’acabaron cola vida de la que yera la so compañera. Homes que primero o más tarde van salir de la cárcel con una segunda oportunidá que les muyeres ya nun tendrán.

El sentimientu de posesión y de superioridá sobre les muyeres ye daqué que munchos homes tienen asumío y enraigonao na so mente desque nacen, nun ponen en dulda esa superioridá, ye dalgo que sienten que-yos correspuende por derechu. Nengunu d’estos homes considera a les muyeres como iguales, persones colos sos mesmos derechos y llibres de decidir si siguen nesa relación o quieren romper con ella. Hai que tener en cuenta que, nel estáu español, hasta l’añu 1981, les muyeres taben totalmente sometíes al home, nun podíen trabayar, cobrar un salariu, “abrir” o “tener” una cuenta corriente ensin el permisu del so home y si nun taben casaes, yeren equiparaes a les criatures menores d’edá, polo tanto, taben sometíes al padre. Con estos antecedentes nun ye d’estrañar que la violencia na pareya fuera un asuntu tabú del que nun se falaba y que les muyeres sufríen en silenciu. Naide intervenía nin denunciaba. Dientro del nuesu léxicu  atópase un dichu popular mui significativu  que lo resume:   

“matela porque yera de mio” esi yera’l fondu de la situación, la muyer yera una posesión del home y podía facer lo que quixera con ella, inclusive matala. Esta cultura patriarcal ta nel fondu de la violencia y los asesinatos que se vienen cometiendo añu trés añu n’esta sociedad.

Gracies a les lluches feministes, fuéronse llogrando cambeos na lexislación, na atención a les muyeres víctimes de violencia machista, inclusive se robló un pactu d’estáu pa desarraigonar estes violencies, pero ta claro que nun ye bastante, les cifres tán ehí.

Pa llograr desarraigonar el terrorismu machista ye menester un cambéu estructural de la sociedá empezando pol ámbitu educativu y dende los primeros niveles educar a les neñes y a los neños como iguales, como persones independientes, con capacidá crítica y de toma de decisiones propies y ensin tresmitir esos estereotipos sexistes que lo que faen ye caltener nel tiempu roles de superioridá nunos y de sometimientu n’otres.

Los cambeos que s’algamaron tán siendo amenazaos por determinaos sectores que busquen face-y creer a la ciudadanía que la violencia contra les muyeres ye daqué que nun esiste, daqué que nun tien una raigañu estructural y de sieglos de dominiu masculín, considérenlo y asina quieren facer creer, dalgo casual y circunstancial. Ta claro que nun vamos falar del so enfotu por nun emplegar la terminoloxía correuta, nun ye desconocimientu, ye un intentu de restar importancia a esta violencia tan tarrecible. Saben que lo que nun se noma nun esiste y esti ye l’interés que tienen pa non llamar a les coses pol so nome.  Intentan por tolos medios desacreitar una lucha de sieglos, que ye la llucha feminista por consiguir un mundu meyor pa toes y toos, falando de lobby feminista y d’una ideoloxía de xéneru, que paez ser que va acabar col mundu.  D’esti mou esvíen l’atención de lo principal que ye la violencia machista que dexa un rastru de más de mil muyeres asesinaes, cientos de muyeres abusaes y violaes, y una xusticia patriarcal que nun nos protexe. Y sí, vamos a llamalo pol so nome, tamos viviendo un terrorismu machista.

                Según el Códigu Penal Español de 1995 nel artículu 573 tipifica’l delitu de terrorismu y diz testualmente:

1. Va considerase delitu de terrorismu la comisión de cualquier delitu grave contra la vida o la integridá física, la llibertá, la integridá moral, la llibertá ya indemnidá sexuales, el patrimoniu, los recursos naturales o’l mediu ambiente, la salú pública, de riesgu catastrófico, quema, contra la Corona, d’atentáu y tenencia, tráficu y depósitu d’armes, municiones o esplosivos, previstos nel presente Códigu, y l’apoderamientu d’aeronaves, buques o otros medios de tresporte colectivu o de mercancíes, cuando se llevaren a cabu con cualesquier de les siguientes finalidaes:

• 1.ª Trestornar l’orde constitucional, o suprimir o desestabilizar gravemente’l funcionamientu de les instituciones polítiques o de les estructures económiques o sociales del Estáu, o obligar a los poderes públicos a realizar un actu o a abstenese de facelo.

• 2.ª Alteriar gravemente la paz pública.

• 3.ªDesestabilizar gravemente’l funcionamientu d’una organización internacional.

• 4.ª Provocar un estáu de terror na población o nuna parte d’ella.

Según el códigu penal español, la violencia que s’exerce contra les muyeres puede considerase un delitu de terrorismu porque nun cabe dulda que ye un delitu grave contra la vida y l’integridá física y con un fin, provocar l’estáu de terror nes muyeres, ta claro que’l machismu mata, pero tamién xenera mieu, terror ya inseguridá en toles muyeres, porque ¿qué muyer nun se sintió apavoriada cuando camina pela calle de nueche y nota la presencia d’un home detrás d’ella?  Nun sabemos el so nome, nun sabemos quién ye nin a ónde va, nin siquier sabemos si se decató de que tamos ehí. Pero’l fechu de ser home yá enciende les nueses alarmes y mos provoca un estáu d’estrés y ansiedá que nun se produciría nuna sociedá onde la violencia machista nun esistiera,  pero por desgracia nun ye asina, anque esa seya la idea que pretenden imponer conles sos manifestaciones, negaciones ya imposiciones nos sos pactos y propuestes los partíos de la derecha y fascistes.

Pero la violencia machista esiste, ye daqué cotidiano colo que convivimos les muyeres, tan cotidiano que se vien normalizando de manera que les noticies sobre asesinatos machistes ya apenes causen alarma social, ye estructural y mientres nun seamos conscientes, actuando en consecuencia, y esto produza cambeos profundos na estructura social patriarcal, nun podemos falar d’erradicación de la violencia machista, y la educación va siguir siendo una parte fundamental de la solución.

Y hasta qu’esi momentu llegue, el momentu nel que podamos falar de la eliminación de toles  formes de violencia hacia les muyeres, les feministes vamos siguir nes calles, esixendo a los gobiernos que faigan tolo que ta na so mano p’acabar col terrorismu machista que mata a cientos de muyeres nel nuesu país.

Madrid, 25 de noviembre de 2019
Organización de Mujeres de la Confederación Intersindical

Propuestes d’Actividaes pal 25P