Llibertá inmediata pa les 6 de La Suiza. Compañeres, nun táis soles

A lo último executóse la villanía. Les 6 de La Suiza entraron en prisión. Contra tolo previsto, un casu de defensa de derechos sindicales empecipiáu nel añu 2017 que nun riquió nunca una intervención policial por incidentes asocedíos nel conflictu, saldóse cola entrada na cárcel de seis persones pa cumplir sentencies que superen los trés años.

Un xuez con un historial reaccionariu implacable, sentenciador en milenta conflictos, siempres contrariu a los intereses de distintos movimientos sociales, nun quixo dexar pasar la oportunidá de “faer daqué” una vegada más. Anque les defenses y la Fiscalía solicitaren que se suspendiere l’aplicación de la condena a la espera de qu’entamare’l procesu de solicitú d’indultu, el xuez prefirió ignorar esos pidimientos y decretar l’ingresu en prisión.

Nin les multitudinaries movilizaciones sociales, nin los pidimientos procedentes de mundos como’l del trabayu o l’académicu valieron pa nada. La so vara de midir y la so rixidez queden salvaes.

Dende la Confederación Intersindical (CI y SUATEA) reafitámosmos no dicho nos últimos meses. Queremos na cai a les seis de La Suiza porque precisamos que la xente lluchador tea ende para siguir defendiendo los nuesos derechos. Aportunamos en que faer sindicalismu nun ye delitu. Ratificámosmos en que la Xusticia d’esti país tien un claru sesgu de clase y nun ye igual para tol mundu.

Confederación Intersindical y SUATEA 11 de xunetu 2025