La Xunta de Personal Docente algama un alcuerdu y convoca manifestación

1. Güei, na reunión de la Permanente de la Xunta de Personal Docente, les cinco organizaciones sindicales con representación algamamos la unidá sindical y alcordamos una estratexa unitaria pa la negociación de mañana. Si nun se da respuesta seria a toles demandes qu’incluya un desglose presupuestariu detalláu de la inversión que se pretende facer, toles organizaciones llamamos a la fuelga indefinía en tolos cuerpos a partir del llunes día 2.

2. Amás, convocamos manifestación unitaria n’Uviéu, esti domingu 1 de xunu, a les 12:00, col recorríu Estación de RENFE – Plaza la Escandalera, y a la que vos animamos a dir col envís de que seya la mayor movilización de la historia del profesoráu asturianu .

¡Muches gracies pol sofitu que tamos recibiendo de toes y toos!

¡Puxa la llucha del profesoráu asturianu!