La nuesa voz, la nuesa obra maestra

MANIFIESTU 8M 2025

Ábrese’l telón y empiecen les representaciones teatrales para esti 8M.

Protagonistes principales: LES MUYERES.

Igualdá salarial

Sipnosis:

Cualquier persona que realice un llabor igual a otra tien de llograr la mesma remuneración económica independientemente del so xéneru, raza, orientación sexual, nacionalidá, relixón o otres categoríes.

L’artículu 9.2 de la Constitución Española refierse a que l’esaniciu de la desigualdá retributiva va dexar avanzar na igualdá real y efectiva de la sociedá.

Fienda salarial

Sipnosis:

Según los datos de salarios de la Encuesta de Población Activo (GUO), en 2022, la diferencia salarial mensual bruta ente homes y muyeres foi del 15,7%, 5,25 puntos porcentuales per debaxo de la fienda en 2018, lo que representa un amenorgamientu del 25%. Sigue siendo una cifra inaceptable, que reflexa la desigualdá y les discriminaciones llaborales que sufren les muyeres. Anguaño les ganancies medies de los homes son de 29.382 euros mentanto que les de les muyeres son de 24.360 euros, lo que supón una diferencia salarial del 17%.

La fienda salarial implica que les muyeres llogren menos ingresos a lo llargo de la so vida, lo que se traduz en pensiones más baxes y un mayor riesgu de probeza nes persones mayores. Anguaño la fienda de les pensiones algama’l 31,77%.

Al aumentar el salariu mínimu interprofesional la distancia de salarios amenorgóse, pero les muyeres siguen en peores condiciones llaborales.

Repartida de cuidaos

Sipnosis: 

Les muyeres asumen na so mayoría una doble carga de cuidos que, amás de ser una inxusticia pol fechu de ser muyer, torga’l so desenvolvimientu personal y profesional o a cencielles la so propia vida. Les muyeres invierten 12,5 hores más a la selmana que los homes nos trabayos nun pagaos.

El 92% de les muyeres ente 25 y 54 años que dexaron el so últimu empléu ficiéronlo pa curiar de familiares, mientres que solo’l 8% de los homes fáenlo pola mesma razón.

Na actividá principal llaboral les muyeres dediquen unes 5,8 hores menos. El 76% de los contratos a tiempu parcial son pa les muyeres, lo que fai aumentar la so dedicación a los trabayos nun pagaos.

Hai una solución: la corresponsabilidá real, la repartida de les xeres doméstiques y de les responsabilidaes familiares como la so organización, el cuidu, la educación y l’asistencia a persones dependientes dientro del llar. Touoesto fadría que tanto homes como muyeres distribuyeren de manera conxunta los tiempos.

Representación y visibilidá n’espacios públicos

Sipnosis:

Les muyeres tienen que ser visibilizadas en tolos ámbitos, pero especialmente nos de decisión. Magar de les numberoses meyores n’igualdá inda hai una resquiebra bien fonda mala de tapar.

Lo personal ye político, pero tamién l’espaciu públicu nos pertenez.

La visibilidá ye imprescindible pa una reconocencia social del llabor de les muyeres que, xunto a la reconocencia, faen posible la participación política y accesu a los cargos de toma de decisiones y les estructures de poder. Somos más de la metá del sector públicu, pero nos niveles directivos solo representamos un terciu. Estes alministraciones imponen a les empreses privaes planes d’igualdá, rexistros y auditoríes salariales pa evitar labrecha salarial de xéneru, cuando ye difícil que se cumpla nes mesmes Alministraciones Públiques.

Respetu na Xusticia Sipnosis:

¿Por qué somos les peores trataes pola xusticia?

Sobremanera polos estereotipos y roles de xéneru que degraden a les muyeres. Asígnensenos atributos que poles sos característiques fáennos tener una “presunta” inferioridá en comparanza col home.

Inda hai xueces que realicen los sos interrogatorios humildando a les muyeres al traviés de la violencia psicolóxica, faciéndoles culpables de lo que-yos asocede. Daqué que nun ta regulao nel nuesu Estáu magar d’haber lleis qu’esixen qu’haya un sistema xudicial espertu en violencia contra les muyeres.

Somos la metá 

Sipnosis:

Les muyeres somos la metá de la población. Anguaño sufrimos una gran discriminación a nivel mundial con una situación de desigualdá xeneral frente a los homes. Si reparamos en cualquier sociedá del nuesu planeta, vemos que s’utiliza la división sexual pa partir les xeres: les granibles y d’ámbitu públicu a los homes y les reproductives y de cuidos a les muyeres.

La vulneración de los derechos humanos de les muyeres nun ye un monólogu, sinón una cuestión de toes. El tresformamientu social empieza cuando la voz de les muyeres s’escucha dende un escenariu. El y la espectadora nel teatru suañen con otres realidaes y cavilguen sobre aquellos temes de los que somos toos y toes, de dalguna manera, culpables.

Non toles muyeres tienen la posibilidá de falar  dende un escenariu y denunciar les inxusticies y abusos que sufren. Siguimos siendo oxetu de toles frustraciones masculines, de tou un patriarcáu que sigue y sigue fondiáu nes sociedaes, de guerres nes que somos premios pal enemigu, de discriminaciones raciales, de discapacidaes físiques o intelectuales que nun nos dexen ser autónomes y ellos aprovéchense, d’una violencia económica que nos paraliza y de una violencia institucional que nos entartalla emocionalmente pa que nun denunciemos.

Tenemos de ser conscientes de que la vida como obra de teatru nun dexa ensayos. Antes de danos cuenta, el telón baxa con un final ensin aplausos, polo qu’hai qu’actuar YÁ como muyeres xuníes.

Tamos bien fartes enforma años d’intentar  que l’espectador empatice con nós y sía consciente del mundu nel que vivimos les muyeres. Hai espectadores que sí lo entienden y son conscientes de que’l cambéu ye posible; otros, nun s’identifiquen, niéguennos  y pa ellos somos una amenaza. Una función a la que nunca van asistir. 

La sororidá ye imprescindible: espurrir la mano y dicir “amiga, yo sí te creo” y “toi equí”, xuntes vamos faer qu’el nuesu camín sía más transitable: 

La nuesa voz, la nuesa obra maestra.