La campaña de FP empieza a dar resultaos

Nes últimes selmanes venimos treslladando la voz del profesoráu de FP d’Asturies al traviés d’una campaña de denuncia de la implantación caótica de la nueva Llei de FP. Con un simulador d’una Evaluación de Riesgos Llaborales recoyíamos los graves riesgos organizativos detectaos y, al través d’infografíes, cartelería y vídeos con profesoráu de FP, visibilizamos la frustración y abandonu qu’esiste.

La Conseyería, en reunión mantenida con SUATEA, anunció cambios importantes de cara al cursu que vien:

✅ Van reducise de 20 a 5 díes llectivos los que l’alumnado de segundu cursu tien d’alternar nel centru tres de finalizar la formación n’empresa.
✅ Va correxise la situación de la FP Básica pa evitar que l’alumnado pueda perder un tercer añu como consecuencia de la estensión de la formación n’empresa mientres el segundu cursu.
✅ Yá tán unificades nun documentu les múltiples instrucciones, aclaraciones y orientaciones disperses publicaes hasta agora.
✅ Va aclarase que correspuende al equipu docente valorar qué alumnáu de primer cursu puede facer formación n’empresa, según l’aprovechamientu educativu de dicha estancia.
✅ Fízose la revisión pendiente de los desdobles en módulos de FP, que, según la previsión d’anguaño, va ascender a 45 módulos repartíos peles diferentes families profesionales. Esta revisión lleva asociada contratación de profesoráu.

👩🏻‍🎓👨🏼‍🎓 Agradecemos a tol profesorado de FP que participó na nuestra campaña. La presión y la llucha colectiva son el camín.

INFO CAMPAÑA: https://suatea.org/fpcampana/