Homenaxe a Tino Brugos

📆 sábadu 31 xineru 2026

🕐 11:00 h

📍 IES La Iría (c/La Regenta, 4 – Uviéu)

Tino Brugos foi un profesor d’historia comprometíu col so tiempu en toles causes xustes. Participó na formación de los COSAL n’Asturies y Cantabria, y xugó un papel mui activu na so coordinación estatal nos años 80. Foi militante de la Liga Comunista Revolucionaria y miembru de la revista Viento Sur. Collaboró na creación y afianzamientu del primer colectivu LGTBI n’Asturies (XEGA-Xente Gai Astur), participó nel comité contra’l V Centenariu, na solidaridá con Palestina y col pueblu del Kurdistán. Movilizóse contra les socesives invasiones d’EE. UU., contra les guerres nos Balcanes, Siria, Ucraína… Trabayó pola memoria democrática na Fundación Andreu Nin y en La Comuna d’Asturies, militó de manera entregada nel sindicatu d’enseñanza SUATEA, tuvo un papel importante na Confederación Intersindical y tamién na creación recién de la Intersindical Asturiana, y en tantes y tantes iniciatives onde participaba d’una manera activa, constructiva y siempre mui respetuosa cola autonomía política de los movimientos.

Cartel: @espacionube

Esti sábadu 31 de xineru, a les 11h, vamos facer un actu na so alcordanza nel IES de La Iría (C/La Regenta 4, Uviéu). Delles persones que conocieron a Tino, amigues y compañeres de militancies variaes, van cuntanos les sos vivencies con él. Ente les intervenciones vamos dir intercalando dalguna actuación musical y proyectar material audiovisual.

L’actu ye abiertu a toles que queráis acompañanos.

IMPORTANTE: Ye conveniente venir ceo, sobre too si traéis coche. Esi mismu día hai partíu fútbol del Uviéu; la zona de La Iría enllénase rápido de coches dende varies hores antes y munches veces ye difícil aparcar.